அப்பா,மகன்,.. ரஜினி, தனுஷ்

"தூங்கா நகரம்' படத்தையடுத்து கௌரவ் இயக்கும் படத்தை மீண்டும் தயாரிக்கிறார் தயாநிதி அழகிரி. இது குறித்து கெüரவ் கூறியது:

"தூங்கா நகரம்' படத்துக்கு ரசிகர்களிடம் நல்ல வரவேற்பு. படத்தில் சில காட்சிகளை குறிப்பிட்டு பேசி முன்னணி இயக்குநர்கள் வாழ்த்து தெரிவித்தார்கள். இதையடுத்து இயக்கும் படத்தின் திரைக்கதையில் மிகவும் கவனம் எடுத்திருக்கிறேன். அப்பா - மகன் சென்டிமெண்ட் கதை ஒன்று திரைக்கதை உருவாக்கத்தில் இருக்கிறது. அப்பா - மகன் கதையை ஹிந்தி சினிமாவுக்கு கொண்டு செல்ல முயற்சி இருந்தது. இப்போது இல்லை.

மகன் பாத்திரத்தில் நடிக்க தனுஷ் சரியாக இருப்பார். அப்பா பாத்திரத்தில் நடிக்க ரஜினியை தேர்வு செய்து வைத்திருக்கிறேன். இது சாத்தியப்பட்டால் சினிமாவில் எனக்கு கிடைத்த மிகப் பெரிய கௌரவமாக இருக்கும். அந்தப் படத்தை சரியாக செய்வேன். "தூங்கா நகரம்' படத்துக்காக ரஜினி என்னைப் பாராட்டினார். கே.எஸ்.ரவிக்குமார் உள்ளிட்ட பலர் வாழ்த்தினார்கள்'' என்றார் கௌரவ்.

Posted in: சினிமா