உலகக்கோப்பையில் 2,.புதிய முறை : ஐசிசி

புதுடில்லி : உலகக்கோப்பை கிரிக்கெட் போட்டிகளில் 2 புதிய முறைகளை கடைபிடிக்க ஐசிசி முடிவு செய்துள்ளது. போட்டிகள் டிராவில் முடிந்தால் சூப்பர் ஓவர் முறையில் வெற்றி, தோல்வியை நிர்ணயிக்கவும், டெஸ்ட் போட்டிகளில் இருப்பது போன்று அம்பயர்களின் முடிவை மறுபரிசீலனை செய்யும் முறையையும் அறிமுகம் செய்ய ஐசிசி தீர்மானித்துள்ளது. இந்த புதிய முறைகள் காலிறுதிப் போட்டிகள் முதல் அமல்படுத்தப்படும் எனவும் தெரிவிக்கப்பட்டுள்ளது.

சென்னையில், 4 ஆட்டங்கள் நடக்கிறது. உலக கோப்பை கிரிக்கெட் போட்டி வருகிற 19-ந்தேதி தொடங்குகிறது. ஏப்ரல் 2-ந்தேதி வரை இந்தப்போட்டி நடக்கிறது. இந்தியா, இலங்கை, வங்காளதேசம் ஆகிய 3 நாடுகளில் உலக கோப்பை போட்டி நடத்தப்படுகிறது. உலக கோப்பை போட்டியில் 4 ஆட்டங்கள் சென்னை சேப்பாக்கம் எம்.ஏ.சிதம்பரம் மைதானத்தில் நடக்கிறது. நியூசிலாந்து- கென்யா (பிப்ரவரி 20), இங்கிலாந்து- தென் ஆப்பிரிக்கா (மார்ச் 6), இங்கிலாந்து- வெஸ்ட் இண்டீஸ் (மார்ச் 17), இந்தியா- வெஸ்ட் இண்டீஸ் (மார்ச் 20) ஆகிய போட்டிகள் நடைபெறுகிறது.

Posted in: விளையாட்டு