லக்னோ : உத்திரபிரதேச மாநிலம் லக்னோ அருகே கல்லூரி மாணவியை ஒருவர் சுட்டுக்கொலை செய்த கொடூர சம்பவம் நடந்துள்ளது. ஏற்கனவே கடந்த 2 நாட்களுக்கு முன்னர் தேசிய அளவிலான கபடி வீராங்கனை ஒருவர் சுட்டுக்கொன்ற சம்பவம் மறைவதற்குள் இந்த கொடிய சம்பவம் நடந்துள்ளது.
சமீப காலமாக காரணமே இல்லாத கொலைகள் அதிகரித்து வருவது சமூக ஆர்வவலர்களை கவலையடையச்செய்துள்ளது. லக்னோவில் 18 வயது கொண்ட கல்லூரி மாணவி சாக்ஷி. இவர் அருகில் உள்ள கல்லூரியில் படித்து வருகிறார். இவரது பக்கத்து வீட்டுக்காரர் ஆஷீஸ் இவர்மீது காதல் வலையை விரித்துள்ளார். காதல் ஒருத்தலையாக இருந்திருக்கிறது.
இந்நிலையில் சாக்ஷி கல்லூரிக்கு செல்லும் வழியில் ஆசீஸ் மற்றொரு நண்பருடன் பைக்கில் வந்தார். சாக்சியை தனது பைக்கில் ஏறுமாறு கேட்டார். ஆனால் அதற்கு மறுத்து விட்டதால் ஆஷீஸ் ஆத்திரமுற்றார். உடனே கையில் இருந்த துப்பாக்கியால் சுட்டுக்கொன்றார். பின்னர் வீட்டுக்கு சென்ற ஆஷீஸ் தன்னைத்தானே சுட்டுக்கொண்டார். இவர் உயிருக்கு போராடிய நிலையில் ஆஸ்பத்திரியில் சிகிச்சை பெற்று வருகிறார்.
.jpg)
Posts
0 comments :
Post a Comment