சமச்சீர் கல்விக்கு முழு ஒத்துழைப்பு, ஆசிரியர் கழகம் முடிவு

சமச்சீர் கல்வி திட்டத்தை அமல்படுத்தும் தமிழக அரசின் நடவடிக்கைக்கு முழு ஒத்துழைப்பு அளிப்பது என்று மேல்நிலைப் பள்ளி தலைமை ஆசிரியர்கள் கழகம் முடிவு செய்துள்ளது.

மதுரையில் நடைபெற்ற தமிழ்நாடு மேல்நிலைப்பள்ளி தலைமை ஆசிரியர்கள் கழக மாநில செயற்குழு கூட்டத்தில் இதற்கான தீர்மானம் நிறைவேற்றப்பட்டுள்ளது. இந்த கூட்டத்தில் நிறைவேற்றப்பட்ட தீர்மானங்கள் குறித்து செய்தியாளர்களிடம் பேசிய மாநில பொதுச்செயலாளர் ராதாகிருஷ்ணன்,

சமச்சீர் கல்வி தொடர்பாக அமைக்கப்படும் குழுவில் மேல்நிலைப்பள்ளி தலைமை ஆசிரியர்கள் கழக பிரதிநிதிகளுக்கு இடமளிக்க வேண்டும். மாணவர் நலனில் தலைமை ஆசிரியர்கள் அக்கறை கொண்டுள்ளனர். ஆங்கில வழிக் கல்வியில் வகுப்பு ஒன்றுக்கு 40 மாணவர்கள் மட்டுமே சேர்க்க வேண்டும் என்ற உத்தரவை நீக்க வேண்டும். பள்ளிகளின் சூழ்நிலைக்கு ஏற்ப மாணவர் சேர்க்கைக்கு அரசு அனுமதி வழங்க வேண்டும் என்றார்.

Posted in: தமிழகம்