தங்கையை காப்பாற்ற தமையன் டெல்லி பயணம்?

மத்திய அமைச்சர் மு.க. அழகிரி சட்டமன்ற தேர்தல் வாக்குப்பதிவிற்கு பிறகு சென்னையில் முகாமிட்டிருந்தார். திமுக உயர்மட்டக்குழுவில் பங்கேற்ற அவர் சென்னையில் இருந்து கட்சிப்பணிகளில் ஈடுபட்டு வந்தார்.

நேற்று முன் தினம் அவர் கொடைக்கானலுக்கு ஓய்வுக்கு சென்றிருந்தார். இதை அறிந்த தென்மாவட்ட கட்சியினர் அழகிரியை கொடைக்கானலில் சந்தித்து ஆலோசனை செய்தனர்.

இன்று அதிகாலையில் கொடைக்கானலில் இருந்து மதுரை சென்ற அழகிரி, காலை 10 மணிக்கு அவசர அவசரமாக டெல்லி புறப்பட்டுச்சென்றார். ஸ்பெக்ட்ரம் விவகாரத்தில் வரும் 6ம் தேதி சிபிஐ விசாரணைக்கு கனிமொழி ஆஜராகவேண்டும்.

இந்நிலையில் அழகிரியின் டெல்லி பயணம் பரபரப்பை ஏற்படுத்தியுள்ளது. கனிமொழியை கைது செய்யாமலிருக்க முன் நடவடிக்கைகள் எடுப்பதற்காகத்தான் அழகிரி திடீரென்று டெல்லி பயணம் மேற்கொண்டுள்ளார் என்று கூறப்படுகிறது.

Posted in: தமிழகம்