Loading...

தினக்ஸ்

Sample Text

அ.தி.மு.க. அரசு தடுமாற்றம் அடைந்து வருகிறது: எம்.ஆர்.கே. பன்னீர்செல்வம்.//.தொடர் மின்வெட்டு! – அதிகரிக்கும் மக்களின் போராட்டம்.//.பத்திரிகைகள் தனி மனித கண்ணியத்தைக் குலைக்கக் கூடாது : நீதிபதி மார்க்கண்டேய கட்ஜு.//.திமுக ஆட்சியில் தொடங்கப்பட்ட மின் திட்டங்கள் முடிவடைந்தும் உற்பத்தியை தொடங்காதது ஏன்? கலைஞர்.//.கெஜ்ரிவால் குற்றச்சாட்டுக்கான ஆதாரங்களை காட்டினார் சட்ட அமைச்சர் சல்மான் குர்ஷித் .//.மாறி, மாறி கூட்டணி அமைத்தது தவறு : அன்புமணி ராமதாஸ்.//. .//. .

Friday, September 2, 2011

ஹிந்தியில் கோடிகளை குவித்த விஜய்யின் காவலன் !

மலையாளத்தில் வெளியான பாடிகார்ட் படம் பின்னர் தமிழில் காவலன் என்ற பெயரில் விஜய் நடித்து வெளியாகி பெரும் வெற்றி பெற்றது. இப்போது ஹிந்தியிலும் பாடிகார்ட் என்ற பெயரில் வெளிவந்துள்ளது. இப்படத்தில் சல்மான் கான், கரீனா கபூர் நடித்துள்ளனர்.

ரம்ஜான் பண்டிகையையொட்டி வெளியிடப்பட்ட பாடிகார்ட் தற்போது வசூலில் சாதனை படைக்க ஆரம்பித்துள்ளது. இப்படத்தின் ஒருநாள் வசூல் ரூ.22 கோடியை எட்டியுள்ளதாம். இது உள்ளூர் வசூல் மட்டுமே. இன்னும் உலகளாவிய வசூல் கணக்கிடப்படவில்லை.

இப்படம் சூப்பர் ஹிட் ஆகியிருப்பதால் இப்படத்தின் நடிகர் சல்மான்கான் மிகவும் மகிழ்ச்சியடைந்துள்ளார். அவரது மகிழ்ச்சிக்கு கூடுதல் காரணமும் உண்டு. அதாவது இவர் நடிப்பில் 2009-ல் வெளியான வான்டட் படம் மெகா ஹிட் ஆனது. 2010-ல் வெளியான தபாங் சூப்பர் ஹிட் ஆனது. அதன் தொடர்ச்சியாக 3-வது முறையாக வெளியான பாடிகார்ட் படமும் வசூலில் கொடிகட்டி பறப்பதால் மிகவும் சந்தோஷமாக உள்ளார். இம்மூன்று படங்களும் ரம்ஜான் அன்று வெளியிடப்பட்டவை என்பதும் குறிப்பிடத்தக்கது.

வசூலில் சாதனை படைத்துக் கொண்டிருக்கும் பாடிகார்ட் படத்தை தயாரித்த ரிலையன்ஸ் என்டர்டெய்ன்மென்ட் நிறுவனத்தின் தலைமை மார்க்கெட்டிங் அதிகாரி ப்ரீத்தி சஹானி கூறுகையில்., இப்படத்திற்கு மிகப் பிரமாதமான வரவேற்பு கிடைத்துள்ளது. முதல் நாளில் ரூ. 20 கோடி கிடைக்கும் என எதிர்பார்த்தோம். ஆனால் தற்போது கூடுதலாகவே கிடைத்துள்ளது. முதல் நாள் வசூல் சாதனையில் இது ஒரு மைல் கல் என்றார்.

ரூ. 60 கோடி செலவில் மிக பிரம்மாண்டமாக இப்படம் தயாரிக்கப்பட்டுள்ளது. இந்தியாவில் மட்டும் 2600 பிரிண்டுகளும், வெளிநாடுகளில் 325 பிரிண்ட்களும் போட்டுள்ளனர்., இப்படத்தை மலையாள பாடிகார்டை இயக்கிய சித்திக் இயக்கியுள்ளார். ரிலையன்ஸ் நிறுவனத்துடன் இணைந்து சல்மான் கானின் மைத்துனர் அதுல் அக்னிஹோத்ரி தயாரித்துள்ளார். முதல் வாரத்தில் பாடிகார்ட் ரூ. 100 கோடி வசூலை அள்ளும் என்று கணிக்கப்பட்டுள்ளது.

மலையாளத்தில் வெளியான ஒரிஜினல் பாடிகார்ட் படம் சுமாராகத்தான் போனது என்பது நினைவிருக்கலாம். ஆனால் தமிழிலிலும், இந்தியிலும் இப்படம் மெகா ஹிட் ஆகியுள்ளது ஆச்சரியமானது.

Reactions:

2 comments :

Post a Comment

இவ்ளோ தூரம் வந்திடீங்கே! மனசுல பட்டத சொல்லிட்டு போங்க, நன்றி.!