பசங்க படத்தின் மூலம் தேசிய விருது பெற்றவரின் புதுப்படம்

பசங்க படத்தின் மூலம் டைரக்டராக அறிமுகமானவர் பாண்டிராஜ். முதல்படத்திற்கே தேசிய விருது பெற்ற அவர், புதிய படம் ஒன்றை இயக்கி வருகிறார்.

இப்படத்திற்கு மெரினா என்று பெயரிட்டுள்ளார். படத்தின் நாயகனாக விஜய் டி.வி., புகழ் சிவகார்த்திகேயன் ஹீரோவாக அறிமுகமாகிறார். அவருக்கும் ஜோடியாக களவாணி புகழ் ஓவியா நடிக்கிறார்.

மெரினா கடற்கரையை மட்டும் வாழ்வாதாரமாகக் கொண்டு வாழும் விளிம்பு நிலை சிறுவர்களை மையப்படுத்தி இந்தப் படத்தை எடுக்கிறாராம் பாண்டிராஜ். படத்தின் கதை மெரினாவை மையப்படுத்தியே வருகிறது, ஆனால் சமீபகாலமாக மெரினாவில் படப்பிடிப்புகளுக்கு அனுமதி தரப்படுவதில்லை. சில காட்சிகளை மட்டும் ஸ்பெஷல் பர்மிசன் வாங்கி மெரினாவில் படமெடுத்த பாண்டிராஜ், மற்றி காட்சிகளை கிழக்கு கடற்கரை சாலையில் உள்ள கடற்கரையை மெரினாவைப்போல் மாற்றி படம்பிடிக்கவுள்ளார்.

Posted in: சினிமா