நித்யானந்தா பிறந்த தினத்தில் நடிகைகள்!!!

39வது பிறந்த நாள் விழாவில் நடிகை ஜூஹி சாவ்லா, மாளவிகா ஆகியோர் பிறந்த நாள் வாழ்த்து கூறி ஆசிர்வாதம் பெற்றனர்.

சாமியார் நித்யானந்தா மீதான வழக்கு நீதிமன்றத்தில் நடந்து வரும் வேளையில், நித்யானந்தா - நடிகை ரஞ்சிதா தொடர்பான "சிடி வெளியாகி பத்து மாதங்களுக்குப் பின்னர், அடுத்த கட்ட பரபரப்பை ஏற்படுத்தியுள்ளது. கடந்த டிசம்பர் 30ம் தேதியன்று, ராம்நகர் மாஜிஸ்திரேட் கோர்ட்டில் லெனின் கருப்பன் மீது, நடிகை ரஞ்சிதா புகார் மனு தாக்கல் செய்தார். இந்த வழக்கு வரும் 29ம் தேதிக்கு தள்ளி வைக்கப்பட்டது. மறுநாள், பெங்களூரில், நடிகை ரஞ்சிதா பத்திரிகையாளர்களுக்கு பேட்டியளித்தார். சாமியார் நித்யானந்தாவுடன் இருக்கும் பெண் நானல்ல என்று மறுப்பு தெரிவித்தார்.

தற்போது திடீரென, லெனின் கருப்பன் தன்னை கற்பழிக்க முயற்சித்ததாகவும், 80 கோடி ரூபாய் கேட்டு மிரட்டியதாகவும்  ரஞ்சிதா கூறியிருப்பது ஏன் என்று சி.ஐ.டி., போலீசார் சந்தேகிக்கின்றனர். ஐதராபாத் போரன்ஸிக் லேப்பில் பரிசோதனைக்கு உட்படுத்தப்பட்ட "சிடி உண்மையானது. அதில் எந்த திருத்தங்களோ, எடிட்டிங்கோ செய்யப்படவில்லை என்று அவர்கள் தெளிவுபடுத்தியுள்ளனர். இந்த அறிக்கைகள் அனைத்தும், சி.ஐ.டி., போலீசார் வசம் பத்திரமாக உள்ளன.

இதற்கிடையில், சாமியார் நித்யானந்தா தனது 39வது பிறந்த நாளை பிடதி ஆஸ்ரமத்தில் கோலாகலமாக கொண்டாடினார். அப்போது நடிகைகள் ஜூஹி சாவ்லா, மாளவிகா உட்பட சிலர் நித்யானந்தாவை தனியாக சந்தித்து வாழ்த்துகளை தெரிவித்து, ஆசீர்வாதம் பெற்றுள்ளனர்.

Posted in: சாமியார்