சினிமாவையும், அரசியலையும் தமது இரண்டு கண்ணாக பார்த்தவர் எம்.ஜி.ஆர். அவரைபோலவே வரவேண்டும் என்ற நோக்கத்தில் அரசியல் களம் புகுந்துள்ள விஜயகாந்த் நடிப்பு, அரசியல் என்றில்லாமல் சமீபத்தில் வெளியான விருதகிரி படம் மூலம் இயக்குநர் அவதாரமும் எடுத்தார். ஆனால் விருதகிரி படம் எதிர்பார்த்த அளவு வெற்றி பெறவில்லை.
இந்நிலையில் தமது அடுத்தபடத்தையும் இவரே இயக்கப்போவதாக தகவல்கள் வெளியாயின. இதற்கான அறிவிப்பு வெளிவர இருந்தநிலையில் அதனை தள்ளிப்போட்டுள்ளார் கேப்டன். இதுகுறித்து விசாரித்தபோது, தமிழகத்தில் சட்டசபை தேர்தல் நடைபெற இருப்பதால் தற்காலிகமாக தமது அடுத்தபட படத்திற்கான வேலையை தள்ளிபோட்டதாக தெரிகிறது.
தற்போது அரசியலில் தீவிரமாக இறங்கியுள்ள விஜயகாந்த், எந்த கட்சியுடன் கூட்டணி அமைப்பது என்பது குறித்த ஆலோசனையில் ஈடுபட்டுள்ளார். சமீபத்தில் சேலத்தில் நடந்த மாநாட்டில் தி.மு.க., அரசை தாக்கி பேசினார். மேலும் முதல்வர் கருணாநிதி போட்டியிடும் தொகுதியில், அவரை எதிர்த்து போட்டியிடப் போவதாகவும் அறிவித்து இருந்தார் என்பது குறிப்பிடத்தக்கது.
தமிழ் சிஎன்என்.
.jpg)
Posts
0 comments :
Post a Comment