தேர்வுல `முட்டை' வாங்குன அனுபவம் உங்களுக்கு இருக்கா? நான் ரொம்ப சமத்துப்பா! எல்லாத்துலேயும் நூத்துக்கு நூறு வாங்கலாம்னு பார்ப்பேன். ஆனா, முடியாது. அதுக்காக முட்டையெல்லாம் வாங்க மாட்டேன். இன்னைக்கு நாம பார்க்கப்போறது தேர்வுல வாங்குற முட்டை இல்ல, சாப்பிடுற கோழி முட்டையில என்னென்ன சத்துகள் இருக்குதுன்னு தான் பார்க்கப் போறோம்.
அதிக அளவுல புரதம் மற்றும் கொழுப்பைக் கொண்டது முட்டை. இதன் வெள்ளைக்கரு 17கலோரியும், மஞ்சள்கரு 59 கலோரியும் கொண்டது. சமைக்கும் முறையைப் பொறுத்து, கலோரிகளின் அளவு மாறுபடும். உடலுக்குத் தேவையான அனைத்து வகையான வைட்டமின்களும் (ஏ, பி, சி, டி, இ) இதுல இருக்குது.
அதுமட்டுமல்ல, தைராய்டு ஹார்மோன் சுரக்குறதுக்குத் தேவையான அயோடின், பற்கள் மற்றும் எலும்புகளோட ஆரோக்கியத்துக்கு தேவைப்படுற பாஸ்பரஸ் போன்றவையும் முட்டையில உண்டு. காயங்களைக் குணமாக்குறதுக்கும், நோய் எதிர்ப்புச் சக்திக்கும் தேவைப்படுற துத்தநாகம் என்னும் தாதும் இதுல இருக்குது.
மற்ற அசைவ உணவுகளோட ஒப்பிடும்போது, செலவு குறைவு; சீக்கிரத்துல சமைக்க முடியும் போன்ற காரணங்களும் முட்டையை அதிகமானவங்க விரும்புறதுக்கு காரணமா அமையுது.
.jpg)
Posts
1 comments :
Nice
Post a Comment