லண்டன்: இது ஏதோ ஒரு பாலிவுட் திரைப்பட நடிகையின் மேக்கப் செலவு என்று நினைத்துவிடாதீர்கள்! பிரிட்டனில் வசிக்கும் பெண்களின் ஆயுள்கால சராசரி மேக்கப் செலவுதானாம் இது.
டெய்லி எக்ஸ்பிரஸ்' என்ற நாளிதழ் பிரிட்டன் முழுக்க 2,200 பெண்களைத் தேர்வு செய்து ஆய்வு நடத்தியபோது இந்தத் தகவல் தெரியவந்தது., வளர் இளம் பருவத்திலும் கன்னியாகவும் இருக்கும்போது செலவிடுவதைவிட திருமணத்துக்குப் பிறகுதான் மேக்கப் செலவு ஏறிக்கொண்டே போகிறதாம்.
சராசரியாக ஒவ்வொரு பெண்ணும் 54 விதமான மேக்கப் சாதனங்களைப் பயன்படுத்துகிறார்களாம். அவற்றை 12 நாடுகளிலிருந்து தருவிக்கின்றனராம். சராசரியாக அதற்கு 37,000 ரூபாய் ஆகிறதாம்., ஏனம்மா, இந்த மேக்கப்புக்கு இவ்வளவு செலவாகிறதே, அத்துடன் எங்காவது புறப்பட வேண்டும் என்றால் நீங்கள் 3 மணி நேரத்துக்கு முன்னாலிருந்தே மேக்கப் போட வேண்டியிருக்கிறதே, இதையெல்லாம் விட்டுவிட்டு எப்படி இருக்கிறீர்களோ அப்படியே போய்விட்டு வரவேண்டியதுதானே?'' என்று நிருபர் கேட்டிருக்கிறார்.
இதையே எங்களுடைய கணவன்மார்களும் கூறி ஆட்சேபம் தெரிவித்தால், அவர்களை விவாகரத்து செய்தாலும் செய்வோமே தவிர மேக்கப் போடாமல் வெளியே போகமாட்டோம்'' என்று பெரும்பாலோர் கூறியிருக்கிறார்கள்., அதுவும் ஒருவகையில் நல்ல முடிவுதான், மேக்கப் இல்லாமல் இவர்களைப் பார்த்து யாராவது பயந்தால் அதன் விளைவை யார் அனுபவிப்பது?
பிரிட்டிஷ் பெண்களுக்கு அவர்கள் பயன்படுத்தும் மேக்கப் சாதனத்தின் தரத்தைவிட, அதன் பிராண்டு பெயர்தான் முக்கியம். எனவே எவ்வளவு செலவானாலும் பரவாயில்லை என்று செலவிடுவார்கள் என்று மேக்கப் சாதன தயாரிப்பு நிறுவனத்தார் தெரிவிக்கின்றனர்.
இப்படி வீண் செலவு அதிகமாகிறதே என்ற வருத்தம் ஆண்களுக்கும் இருக்கிறது; இருந்தாலும், ஒரு நாளில் சுமார் 3 மணி நேரமாவது மேக்கப்புக்காகச் செலவழித்து நம்மை வந்து அரிக்காமல் இருக்கிறார்களே என்ற மகிழ்ச்சிக்கு விலையாக இதைக் கொடுத்துவிடுகிறார்கள்.
.jpg)
Posts
2 comments :
சோமாலியாவில் சோத்துக்கே பஞ்சமாம்..... பிரிட்டனில் ????... அடக்கொடுமையே...
நன்றி
Post a Comment