சரண் தன்னிடம் தவறாக நடக்க முயன்றார்; அவரை கைது செய்யும் வரை நான் ஓய மாட்டேன் என்றெல்லாம் வீராவேசமாக வசனம் பேசிய சோனா, சரணிடம் நான் எதிர்பார்த்தது கிடைத்து விட்டது; அவர் கடிதம் மூலம் வருத்தம் தெரிவித்து விட்டார், என்று கூறிய கையோடு புகாரை வாபஸ் பெற்றுக் கொண்டு வெளிநாட்டுக்கு போய் விட்டார்.
இதையடுத்து சோனா தற்காலிகமாக சினிமாவில் இருந்து விலகி இருக்க முடிவு செய்திருப்பதாக அவரது வட்டார தகவல்கள் தெரிவித்தன. கடைசி வரை சோனா - சரண் விஷயத்தில் நடந்த உண்மை என்ன என்பது தெரியாத நிலையில் மீண்டும் நடிப்புக்குத் திரும்பியுள்ளார் சோனா. சோக்காலி என்ற படத்தில் நடிக்கிறாராம். இதில் அவருக்கு முக்கிய வேடமாம்.
இதுகுறித்து சோனா அளித்துள்ள பேட்டியில், இந்த மாதம் ஷூட்டிங்கைத் தொடங்குகிறார்கள். முக்கிய வேடத்தில் நான் நடிக்கிறேன். வில்லத்தனமாகவும், நல்லதனமாகவும் இதில் நான் வித்தியாசமாக நடிக்கிறேன். இது கிட்டத்தட்ட எனது நிஜ கேரக்டர் மாதிரியே இருப்பதால் ஈடுபாட்டுடன் நடிக்கிறேன், என்று கூறியுள்ளார்.
.jpg)
Posts
0 comments :
Post a Comment