நடிகர் லூஸ் மோகன் வயதான காலத்தில் மகன் தன்னை கவனிக்கவில்லை என்று போலீஸ் கமிஷனர் அலுவலகத்தில் சமீபத்தில் புகார் அளித்தார். பராமரிக்க யாரும் இன்றி தவிப்பதாக அப்போது கண்ணீர் வடித்தார். இது போல் வயதான நடிகர், நடிகைகள் பலர் ஆதரவின்றி கஷ்டப்படுவதாக தகவல் வெளியாகியுள்ளது.
நாஞ்சில் நளினி, எம்.ஆர்.பி. சந்தானம், எஸ்.சுப்பு லட்சுமி, மதுரை ஜெயந்தி, வி.ஆர். நாதன்,நெல்லை சாரதி, எம்.கே. குள்ளமணி, பி.நீலா, என அவர்கள் பட்டியல் நீள்கிறது. மொத்தம் 131 வயதான நடிகர், நடிகைகள் உள்ளதாக கூறப்படுகிறது. இவர்களுக்கு மாதம் தோறும் நடிகர் சங்கம் ரூ.500 ஓய்வூதியம் வழங்கி வருகிறது. 2010-ம் ஆண்டு இவர்களுக்கு ரூ.7.86 லட்சம் பென்சன் ஆக வழங்கப்பட்டு உள்ளது.
இவர்களுக்கு முதியோர் இல்லம் கட்டப்பட்டால் கடைசி காலத்தை சந்தோஷமாக கழிப்பார்கள் என்று நடிகர் சங்கம் கருதுகிறது. ஒரு ஏக்கர் நிலபரப்பில் இந்த இல்லத்தை கட்ட முடிவு செய்யப்பட்டு உள்ளது. இதற்கான நிலத்தை ஒதுக்கீடு செய்து தரும்படி அரசுக்கு கோரிக்கை விடுக்கப்பட்டு உள்ளது.
.jpg)
Posts
0 comments :
Post a Comment