பெரிய தியேட்டர்களில் போனி ஆகாத வேலாயுதம் ?

சென்னை மற்றும் புறநகரங்களில் மட்டும் 30க்கும் மேற்பட்ட தியேட்டர்களில் வேலாயுதம் ரிலீசாக இருக்கிறது. இந்தமுறை தீபாவளிக்கு வெளிவர இருந்த மயக்கம் என்ன, ஒஸ்தி போன்ற படங்கள் தீபாவளி ரேஸில் இருந்து விலகிவிட்டன. இதனால் வேலாயுதம், ஏழாம் அறிவு, ரா-1 படங்கள் மட்டுமே வெளிவர இருக்கின்றன.

இந்நிலையில் சென்னையில் உள்ள முக்கிய திரையரங்குகள் அனைத்திலும் ஏழாம் அறிவு, மற்றும் ரா-1 படங்கள் தான் புக்காகி உள்ளன. இதனால் விஜய்யின் வேலாயுதம் படத்திற்கு பெரிய தியேட்டர்கள் எதுவும் அவ்வளவாக கிடைக்கவில்லை. இது விஜய் ரசிகர்கள் இடையே அதிர்ச்சி ஏற்படுத்தியுள்ளது. இதனால் சுமார் 100க்கும் மேற்பட்ட விஜய் ரசிகர்கள், சென்னை அண்ணா சாலையில் உள்ள தேவி திரையரங்கு முன்பு ஆர்ப்பாட்டம் நடத்தினர்.

தேவி ‌தியேட்டர் காம்ப்ளக்ஸில் உள்ள நான்கு திரையரங்குகளில், தேவி மற்றும் தேவி பாரடைஸ் ஆகிய இரு பெரிய அரங்குகளும் ஏழாம் அறிவுக்கு ஒதுக்கப்பட்டுவிட்டன. இந்த இரண்டு பெரிய அரங்குகளில் ஒன்றை வேலாயுதம் படத்திற்கு ஒதுக்க வேண்டும் என்று அவர்கள் ஆர்ப்பாட்டம் நடத்தினர்.

Posted in: சினிமா