மாறி மாறி புகழும் வடக்கிலிருந்து வந்தவர்கள்

நடிகை ஹன்சிகாவை, ஜூனியர் குஷ்பு என்று பலரும் வர்ணித்து வருகிறார்கள். இதுபற்றி கருத்து தெரிவித்த ஹன்சிகா, என்னைப் போய் குஷ்பு மேடத்துடன் இணைத்துப் பேசுகிறார்கள். இது எனக்குப் பெருமையாக உள்ளது. அதேசமயம், நான் எங்கே அவர் எங்கே என்று அடக்கத்துடன் கூறியிருந்தார்.

இந்நிலையில், தன்னுடன் ஹன்சிகாவை ஒப்பிட்டுப் பேசுவது குறித்து நடிகை குஷ்பு கருத்து தெரிவித்துள்ளார். இதுகுறித்து அவர் வெளியிட்டுள்ள ட்விட்டர் கருத்தில், உண்மையைச் சொல்வதாக இருந்தால், என்னை விட ஹன்சிகாதான் அழகாக இருக்கிறார்.

நான் நடிக்க வந்தபோது எப்படி இருந்தேனோ அதை விட அழகாக இருக்கிறார். அருமையாக நடிக்கிறார். எனவே என்னை அவருடன் ஒப்பிட முடியாது, என்று கூறியுள்ளார்., இருவரும் மாறி மாறி புகழ்ந்து தள்ளுகிறார்கள் என்கிறது கோலிவுட்.

Posted in: சினிமா