சிம்புவின் லவ் ஆந்த்தம், தனுஷின் சச்சின் ஆந்த்தம் ஆகியோரைத் தொடர்ந்து இப்போது விஜய்க்கும் ஒரு ஆந்த்தம் உருவாகி இருக்கிறது. விஜய் ஆந்த்தம் என்ற பெயரில் உருவாகி இருக்கும் இந்த ஆல்பத்தை எங்கேயும் எப்போதும் படத்தில் பஸ்சில் இளம் பெண்ணை காதலிக்கும் கேரக்டரில் நடித்த வாட்சன் உருவாக்கி இருக்கிறார்.
விஜய்க்கு ஆந்த்தம் உருவாக்கியது ஏன்...? என்பது குறித்து வாட்சன் கூறுகையில், விஜய் தான் என்னுடைய பேவரேட் ஆக்டர். அவருடைய நடிப்பு, ஸ்டைல், நடனம் எல்லாமே எனக்கு பிடிக்கும். அவருக்காக ஒரு ஆல்பம் உருவாக்க வேண்டும் என்பது என்னுடைய ரொம்பநாள் ஆசை. அதன்படி இந்த ஆல்பத்தை உருவாக்கினேன்.
தற்போது யூ-டியூப்பில் இந்த ஆல்பம் வெளியாகி இருக்கிறது. கிட்டத்தட்ட ஒரு லட்சத்திற்கும் மேற்பட்டோர் இந்த ஆல்பத்தை பார்த்து ரசித்து இருக்கிறார்கள். மேலும் இந்த ஆல்பத்தை பார்த்து விஜய் சாரும் என்னையும் எனது குழுவையும் அழைத்து பாராட்டினார். அவர் அழைத்து பாராட்டியது ரொம்பவே மகிழ்ச்சி அளிப்பதாக கூறியிருக்கும் வாட்சன், இப்போது ஒரு பாட்டு தான் வெளியிட்டு இருக்கிறோம். இனி தொடர்ந்து இரண்டு-மூன்று பாடல்களை வெளியிட உள்ளோம் என்று கூறியுள்ளார்.
Posts
0 comments :
Post a Comment