கூடங்குள போராட்டத்தை கொச்சை படுத்தும் தீ(ய)விரவாத அமைப்பு!?

புதுடெல்லி: கூடங்குளம் அணுமின் நிலையத்திற்கு எதிரான போராட்டத்தின் பின்னணியில் அமெரிக்கா செயல்படுவதாக ஹிந்துத்துவா தீவிரவாத இயக்கமான ஆர்.எஸ்.எஸ் கூறியுள்ளது. போராட்டத்திற்கு தலைமை தாங்கும் அரசு சாரா இயக்கங்களுக்கு தாராளமாக பணம் வருவதாக ஆர்.எஸ்.எஸ் கூறுகிறது.

ஆர்.எஸ்.எஸ்ஸின் அதிகாரப்பூர்வ ஏடான ‘ஆர்கனைஸரில்’ எழுதியுள்ள கட்டுரையில் இந்த குற்றச்சாட்டு கூறப்பட்டுள்ளது. கூடங்குளம் மற்றும் ஜெய்தாப்பூர் அணுமின் நிலையங்களை எதிர்ப்பதன் பின்னணியில் அமெரிக்காவின் விருப்பம் உள்ளதாம். இதன் ஒரு பகுதியாகத்தான் ‘மாற்று பாதுகாப்பு திட்டம்’ என்ற கொள்கை முன்வைக்கப்படுவதாக அப்பத்திரிகை கூறுகிறது. அரசியல் கட்சி உருவாக்குவதற்கான முயற்சியில் அரவிந்த் கெஜ்ரிவால் இப்போராட்டத்திற்கு ஆதரவு தெரிவித்திருப்பதாக ஆர்கனைஸர் கூறுகிறது.

மில்லியன் கணக்கில் பணம் வரும் சில என்.ஜி.ஓக்கள் பிஷப்புகளுக்கு கீழ் இயங்குவதாகவும், போராட்டத்திற்கு ஆதரவு அளிக்கும் கிறிஸ்தவ சபைகளுக்கு அமெரிக்க ஆதரவளிப்பதாகவும் ஆர்.எஸ்.எஸ்ஸின் அதிகாரப்பூர்வ ஏடு குற்றம் சாட்டுகிறது.

ஐ.டி.ஆர்.எஃப் போன்ற அமைப்புகளின் மூலம் சமூக சேவை என்ற பெயரால் இந்தியாவில் வகுப்புவாதத்தை விதைக்க கோடிக்கணக்கான பணம் வெளிநாடுகளில் இருந்து ஆர்.எஸ்.எஸ்ஸின் துணை அமைப்புகளுக்கு அனுப்பப்பட்டு வரும் சூழலில் ஆர்.எஸ்.எஸ் ஏட்டின் குற்றச்சாட்டு கேலிக்கூத்தாக அமைந்துள்ளது.

வெளிநாட்டு நிதியிலிருந்து தீவிரவாதம் செய்வது யார்? வெளிநாட்டு நிதியிலிருந்து இந்தியாவை பல மடங்காக உடைக்க துடிப்பவர்கள் இந்த காவி கயவர்கள் என்பது நாடறிந்த உண்மை. இதற்கு பல உதாரங்கள் உண்டு அதில் குஜராத் தீர்ப்பு ஒன்றே போதும் ஹிந்துத்துவா தீவிரவாதிகள் மோடி என்கிற அயோக்கியன் உதவியுடன் செய்த அக்கிரமங்கள்தான் என்ன என்ன., இப்படி நீண்டுகொண்டே போகும் ஆர்.எஸ்.எஸ் தீவிரவாத அமைப்பின் பட்டியல்.

Posted in: அரசியல்