எந்திரன் நண்பனை தொடர்ந்து புது வியூகம்

பிரமாண்டமான வித்தியாசத்திற்கு பெயர்பெற்ற இவரின் அடுத்த பட வேளையில் மும்முரமாக உள்ளார்., எதையும் உலக தரத்தில் அமைய ஆசைபடுபவர்.

எந்திரன் படத்திலிருந்து முற்றிலும் மாறுபட்ட ‘நண்பன்’ படத்தை வெற்றிகரமாக இயக்கிவிட்டு மறுபடியும் சீரியசான புராஜெக்டிற்குள் இறங்கியிருக்கிறார் ஷங்கர். ஷங்கருடன் இந்த முறை இணைந்திருப்பவர் நடிகர் விக்ரம்.

முன்பு ஷங்கரும் விக்ரமும் இணைந்த அந்நியன் சூப்பர் ஹிட் படம் என்பதால், ஷங்கர் இயக்கும் ‘ஐ’ படத்தின் மீதான எதிர்பார்ப்பு ரசிகர்களிடையே வெகுவாக அதிகரித்துள்ளது. இந்நிலையில் தற்போது சீனாவில் இரண்டாம் கட்ட படப்பிடிப்பை நடத்திக்கொண்டிருக்கும் ‘ஐ’ படக்குழுவில் ஷங்கர் இணைத்துள்ளது ஹாலிவுட்டின் மிகச்சிறந்த சண்டைப் பயிற்சியாளர் ’யூன் வூ பிங்’.

இவர் மேட்ரிக்ஸ், கில் பில், க்ரௌச்சிங் டைகர் & ஹிட்டன் டிராகன் ஆகிய படங்களுக்கு ஆக்‌ஷன் காட்சிகள் அமைத்துக் கொடுத்தவர் என்பது குறிப்பிடத்தக்கது. விளையாட்டாக ஜிம்மிற்கு சென்று உடற்பயிற்சி செய்யும் விக்ரம், ஒலிம்பிக் போட்டியில் கலந்துகொண்டு எப்படி பதக்கம் வெல்கிறார் என்பது தான் ’ஐ’ படத்தின் கதை எனப் பேசப்பட்டு வரும் நிலையில், ஒலிம்பிக்கில் நடக்கும் முறைகேடுகளும் படத்தில் அலசப்படும் என்று ’ஐ’ படத்தை பற்றி பல செய்திகள் கோடம்பாக்கத்தில் உலா வருகின்றன.

Posted in: சினிமா