சின்னத்திரைக்கு மாற காரணம் கூறும் சீரியல் நாயகி?

தமிழ் சினிமாவில் முன்னணி நடிகையாக வலம் வந்தவர் தேவையானி. டைரக்டர் ராஜகுமாரனை திருமணம் செய்த பின்னர் வெள்ளித்திரையில் வாய்ப்பை குறைத்து கொண்டு, சின்னத்திரையில் களம் இறங்கினார்.

இருந்தும் அவ்வப்போது வெள்ளித்திரையில் கிடைக்கும் வேடங்களில் குணச்சித்திர நடிகையாக நடித்து கொண்டு இருக்கிறார். இந்நிலையில் தனியார் நகைக்கடை திறப்பு விழா ஒன்றில் நடிகை தேவையானி தனது கணவர் ராஜகுமாரனுடன் பங்கேற்றார்.

கடைதிறப்பு விழாவிற்கு பின்னர் செய்தியாளர்களிடம் பேசிய தேவையானி, வெள்ளித்திரையை போல சின்னத்திரையிலும் சவாலான வேடங்கள் கிடைக்கின்றன. தற்போது முத்தாரம் என்ற தொடரில் போலீஸ் அதிகாரியாக நடிக்கிறேன். போலீஸ் உடையை போட்டதும் அதற்குரிய கம்பீரம் வந்து விடுகிறது.

போலீஸ் வேடத்தில் நடிப்பதை பெருமையாக நினைக்கிறேன். எனக்கு இரண்டு குழந்தைகள் உள்ளனர். அவர்களை கவனிப்பதற்காகவே வெளியூர் ஷூட்டிங் எதிலும் நான் பங்கேற்பது இல்லை. ஏனென்றால் முதலில் குடும்பம் தான் முக்கியம், அப்புறம் தான் சினிமா எல்லாம் என்றார்.

Posted in: சினிமா