தூங்கினால் அதிகம் உடல் குண்டாகுமா! ஆய்வு தகவல்!?

வாஷிங்டன்: உடல் எடையை குறைக்க பலர் கடுமையாக போராடுகின்றனர். உணவு கட்டுப்பாடு, உடற்பயிற்சி, மருத்துவ சிகிச்சை என பலவித நடவடிக்கைகளை மேற்கொள்கின்றனர். அப்படி இருந்தும் தாங்கள் விரும்பியபடி உடல் எடை கணிசமான அளவு குறையவில்லையே என வருத்தப்படுகின்றனர்.

இதனால் பிபி, சுகர் உள்ளிட்ட நோய்கள் எளிதில் தாக்கும் அபாயம் உள்ளது. இதனைத் தடுப்பதற்காக உலகளவில் பல்வேறு ஆய்வுகள் செய்யப்பட்டு வருகின்றன. உடல் குண்டாவதை தடுக்க உணவு கட்டுப்பாட்டு முறையை கையாள வேண்டும் என்றும் சிலர் வலியுறுத்தி வருகின்றனர்.

இந்நிலையில், உடல் எடையை அதிகரிக்காமல் குறைக்க 'அயர்ந்த தூக்கமே நல்ல மருந்து' என நிபுணர்கள் தெரிவித்துள்ளனர். வாஷிங்டன் பல்கலைக் கழகத்தை சேர்ந்த ஆராய்ச்சியாளர் நதானியல் வாட்சன் தலைமையிலான குழுவினர் இதுகுறித்து ஆய்வு மேற்கொண்டனர்.

அதில், 'உடல் குண்டாவதற்கு மரபணு கோளாறே காரணம் என தெரியவந்தது. அவற்றின் நடவடிக்கைகளை செயல் இழக்க செய்ய இரவில் தினமும் 9 மணி நேரம் நன்றாக அயர்ந்து தூங்க வேண்டும். குறைந்தது 7 மணி நேரமாவது தூங்க வேண்டும்' என்றும் வலியுறுத்தியுள்ளனர்.

இந்த ஆய்வின் முடிவு, குண்டாகி வரும் இந்தியர்களுக்கு பொருந்துமா? என்பதை இங்குள்ளோர்களிடம் ஆய்வு நடத்தினால் மட்டுமே தெரியவரும்.

Posted in: சமையல்