கரியை முகத்திலும் பூசிக்கொண்ட இந்தியர்கள்!?

பெரும் தொழில் நிறுவனங்களை நடத்தும் ‘கார்ப்பரேட்’ நிறுவனங்களுக்கு 2005-2006 ஆம் ஆண்டில் இந்திய அரசு தள்ளுபடி செய்த வரியைக் கணக்கிட்டால் சராசரியாக ஒரு நிமிடத்துக்கு ரூ.7 மில்லியன்.

தங்கம்-வைரத்துக்கு தள்ளுபடி செய்துள்ள வரி கடந்த 36 மாதங்களில் ‘2 ஜி’ அலைவரிசை ஊழலுக்கு சமம்.

2005-லிருந்து 2013 வரை கார்ப்பரேட் நிறுவனங்களுக்கு தள்ளுபடி செய்யப்பட்ட வருமான வரி, சுங்க வரி, ‘கஸ்டம்ஸ் டூட்டி’ ரூ.31,111,69 (ரூபாய் 31 லட்சத்து 111 ஆயிரத்து 69 கோடி ரூபாய்)(2005 ஆம் ஆண்டிலிருந்து, 2013 ஆம் ஆண்டுக்குள் தள்ளுபடி விகிதம் 130.53 சதவீதம் அதிகரிப்பு)

தங்கம், வைரம் மற்றும் நகைகளுக்கு தள்ளுபடி செய்யப்பட்ட தொகை ரூ.3,14,456 கோடி.

கார்ப்பரேட் கம்பெனிகளுக்கு இவ்வளவு பெரும் தொகையை தள்ளுபடி செய்த நிதியமைச்சர் ப.சிதம்பரம், இந்தியாவில் தனி நபர் நேரடி வருமான வரி 5.5 சதவீதமாகவும், மறைமுக வருமான வரி 4.4 சதவீதமாகவும் மிக மிகக் குறைவாகவே உள்ளது என்றும் கவலைப்படுகிறார். தள்ளுபடி பற்றி அவர் கவலைப்படவில்லை! நாட்டை “தேசபக்தர்கள்” கார்ப்பரேட் நிறுவனங்களுக்கு விற்பனை செய்து விட்டார்கள்!

காங்கிரஸ் அரசிடமிருந்து யார் யாரெல்லாம் தள்ளுபடிகளையும் , சலுகைகளைப் பெற்றார்களோ அவர்கள்தான் இந்த தேர்தலில் மோடியை முன்னிலைப் படுத்தியவர்கள். 10 ஆண்டுகள் காங்கிரசை வைத்து அவர்கள் ஆடிய ஆட்டம்தான் ஐக்கிய முற்போக்கு கூட்டணி அரசின் அத்துனை ஊழல்களுக்கும் முழுமுதற்காரணம். ஆனால் மக்களால் காங்கிரஸ் தூக்கி எறியப் படலாம் என்று அனுமானித்தவர்கள் மோடியை வைத்து அடுத்துவரும் ஆட்சியில் விளையாடத் தயாராகி விட்டனர்.

இந்த கூத்து தெரியாமல் சாமானிய இந்தியன் கரியை தன் விரலில் மட்டுமல்ல முகத்திலும் பூசிக்கொண்டான். பாவம் இந்தியன் !! நானும் தான்!! (ந. கிருஷ்ணன்).

@ஒவ்வொரு ஊரிலும் ஆங்காங்குள்ள பெரிய குற்றவாளிகளை நாம் தலைவர்களாக்கி இருக்கின்றோம். அங்கு அவர்கள் விஷமம் (சதி) செய்து கொண்டிருப்பார்கள். 

Posted in: இந்தியா