உலகக் கோப்பை இறுதிப் போட்டியில் இந்தியாவிடம் இலங்கை அணி தோல்வி அடைந்ததால், கேப்டன் பதவியில் இருந்து குமார சங்ககரா பதவி விலக வேண்டிய நிலை ஏற்பட்டது.
இந்நிலையில், புதிய கேப்டனாக ஏஞ்சலோ மேத்யூஸ் அல்லது திலகரத்ன தில்ஷான் நியமிக்கப்படலாம் என்று தகவல்கள் பரவின. இந்த இருவரில் ஒருவரை கேப்டனாக்க முன்னாள் கேப்டன் குமார சங்ககராவும் ஆதரவு தெரிவித்ததாக கூறப்படுகிறது. இதே கருத்தை அரவிந்த டி சில்வா தலைமையிலான வீரர்கள் தேர்வுக் குழுவும் கூறியது.
ஏஞ்சலோ மேத்யூஸ் கொழும்புவைச் சேர்ந்த தமிழர். திலகரத்ன தில்ஷான் இஸ்லாமியராக இருந்து புத்த மதத்துக்கு மாறியவர். இதனால் இவர்களில் ஒருவரை அணி கேப்டனாக நியமிக்க இலங்கை அரசு ஒப்புதல் தரவில்லை என்று இலங்கைத் தமிழ் இணையதளங்களில் செய்தி வெளியாகியுள்ளது.
மேலும், சிங்கள வீரர் ஒருவரை கேப்டனாக நியமிக்க அரசு தரப்பு விரும்புவதாகவும் அந்த செய்தியில் தெரிவிக்கப்பட்டுள்ளது. இத்தகைய இழுபறி காரணமாகவே இலங்கை கிரிக்கெட் வீரர்கள் தேர்வுக் குழு பதவி விலகியதாகவும் இணையதளத் தகவல்கள் தெரிவிக்கின்றன.
Posts
0 comments :
Post a Comment