பலவித மருத்துவ குணங்கள் உள்ள கிராம்பு!!

கிராம்பில் கார்போ ஹைட்ரேட், ஈரப்பதம், புரதம், வாலடைல் எண்ணெய், கொழுப்பு, நார்ப்பொருள், மினரல், ஹைட்ரோகுளோரிக் அமிலச் சாம்பல்கள், கால்சியம், பாஸ்பரஸ், தயமின், ரிபோ பிளேவின், நயாசின், வைட்டமின் சி மற்றும் ஏ போன்றவை உள்ளன. கிராம்பின் மொட்டு, இலை,தண்டு போன்றவற்றிலிருந்து எண்ணெய் எடுக்கப்படுகிறது.

1) கிராம்பில் பலவித மருத்துவ குணங்கள் உள்ளன. இவை பெரும்பாலும் ஊக்கு வித்தல், தூண்டுதல் உண்டாக்கும் பொருளாக உள்ளது. பல வலிகளைப் போக்குவதுடன் வயிற்றுப் பொருமல், குதவழிக் காற்றேhட்டம் போன்றவற்றுக்கும் மிகச் சிறந்த நிவாரணி.

2) உடலைப் பருமடையச் செய்யவும், வளர்ச்சிதை மாற்றப்பணிகளுக்கு உதவவும், சுட்டை சமப்படுத்தவும், ரத்த ஓட்டத்தை முறைப்படுத்தவும் இது பலன் அளிக்கிறது.

3) ஜீரண உறுப்புகளில் சுரக்கும் நொதிகளை கிராம்பு ஊக்குவிக்கிறது. இதனால் ஜீரணக்கோளாறுகள் நீங்குகின்றன.

4) கிராம்புப் பொடியை வறுத்து அரை கிராம் தேனில் குழைத்து சாப்பிட்டால் வாந்தி நிற்கும். கிராம்பில் உள்ள விறைக்கப் பண்ணும் ஒரு பொருள் வயிற்றிலுள்ள சில உறுப்புகளை விரைப்படையச் செய்து வாந்தியைத் தடுக்கிறது.

5) நான்கு கிராம் கிராம்பை மூன்று லிட்டர் தண்ணீரில் போட்டு அரை பங்காக சுண்டும் அளவிற்கு கொதிக்க வைத்துப் பருகினால் காலரா குணமடையும்.

6) சிறிது சமையல் உப்புடன் கிராம்பை சப்பிச் சாப்பிட்டால் தொண்டை எரிச்சல், கரகரப்பு நீங்கி தொண்டை சரியாகும். தொண்டை அடைப்பால் ஏற்படும் எரிச்சலைத் தவிர்க்க, சுட்ட கிராம்பு மிகச் சிறந்தது.

7) கிராம்பு எண்ணெய் மூன்று துளியுடன் தேன் மற்றும் வெள்ளைப் பூண்டுச் சாறு சேர்த்து படுக்கைக்குப் போகும் முன்பு சாப்பிட ஆஸ்துமாவால் ஏற்படும் சுவாசக் குழல் அழற்சி சரியாகும்.

8) முப்பது மில்லி நீரில் ஆறு கிராம்புகளைப் போட்டு கொதிக்க வைத்து அந்தக் கசாயத்தில் தேன் கலந்து குடித்தால் ஆஸ்துமா கட்டுப்படும்.

9) கிராம்புப் பொடியை பற்பொடியுடன் கலந்து பயன்படுத்தி வர, வாய் நாற்றம், ஈறு வீக்கம், பல்வலி ஆகியவை குணமாகும். கிராம்பு எண்ணெயை பாதிக்கப்பட்ட ஈறுகளில் தடவிவர குணம் கிடைக்கும்.

10) 3-5 துளி நல்லெண்ணெயில் ஒரு கிராம்பை சூடு காட்டி அந்த எண்ணெயை வலியுள்ள காதில் இட்டால் சுகம் கிடைக்கும்.

11) தசைப்பிடிப்புள்ள இடத்தில் கிராம்பு எண்ணெயைத் தடவி வர குணம் கிடைக்கும்.

12) கிராம்பு மற்றும் உப்பை பசும்பாலில் அரைத்து அந்தப் பசையைத் தடவினால் தலைவலி பறந்துவிடும். தலையிலுள்ள நீரை உப்பு உறிஞ்சி எடுப்பதால் தலைபாரம் குறைந்து குணம் கிடைக்கிறது.

13) கண் இமைகளில் ஏற்படக்கூடிய அழற்சிகளை போக்க கிராம்பை நீரில் உரசி அந்த நீரைப் பயன்படுத்தினால் குணம் கிடைக்கும்.

14) சமையலுக்கும், கறிகளுக்குச் சுவையூட்டவும், கறி மசாலா வகைகள் தயாரிக்கவும் கிராம்பு முக்கியம். வாசனைத் தயாரிப்பு, சோப்புத் தயாரிப்பிலும் இது பயன்படுகிறது.

Read More

குப்பை தொட்டியாகும் இந்தியா !?

ஜெர்மன் நாட்டில் பெர்லின் நகரில் வசிக்கும் நண்பர் ஒருவர், சமீபத்தில் சென்னை வந்து இருந்தார். பெங்களூரு அவரது சொந்த ஊர். ஜெர்மனியில் குடியேறி 20 ஆண்டுகளுக்கு மேலாகி விட்டது. அங்கு, "பென்ஸ்' மோட்டார் தொழிற்சாலையில், "பிட்டர்' ஆக வேலை செய்கிறார். உடைந்த தமிழில் பேசுவார்.

பிட்டராக இருந்தாலும் விபவரமானவர்; பல சப்ஜெக்ட்களிலும் ஞானம் உள்ளவர். அவரிடம் பேசிக் கொண்டிருந்த போது, பலஅரிய தகவல்கள் கிடைத்தன.

அது தம்பி... இப்போது இந்தியாவுலே பென்ஸ் கார் 45 லட்ச ரூபாய்க்கு கூட கிடைக்குது. ஆஹா ஜெர்மன் நாட்டு கார்ன்னு பணக்காரங்களும், பெரிய தொழில் அதிபர்களும் போட்டி போட்டுக்கிட்டு வாங்கறாங்க. இந்தக் கார்ல இருக்கிற பல முக்கியமான பாகங்கள், கியர் பாக்ஸ் உட்பட, இந்தியாவுலே, "டாட்டா' கம்பெனியிலே செஞ்சு, ஜெர்மனிக்கு வருது. நாங்க, அதை அங்கே பூட்டி, பல நாடுகளுக்கும் விற்பனைக்கு அனுப்பி வைக்கிறோம்!.

இதுக்கு காரணம் என்ன தெரியுமா? ஜெர்மனியிலே அந்த பாகங்களை உற்பத்தி செய்ய ஆகும் செலவில் கால்வாசி செலவு தான் ஆகிறது இந்தியாவில். நாங்கள், எங்களுக்குத் தேவையான டிசைன் மற்றும் மூலப் பொருட்களைக் கொடுத்து விடுகிறோம்... இங்கே லேபர், "சீப்!' அது ஜெர்மானியர்களுக்கு பெரிய, "அட்வான்டேஜ்' ஆகிப் போகிறது.

இந்தியாவில் லேபர் எவ்வளவு, "சீப்' என்பதற்கு ஒரு உதாரணம் சொல்கிறேன் கேட்டுக்க தம்பி...' என்றவர், தம் சட்டைப் பையில் இருந்து, ஒரு காகிதத்தை எடுத்துப் படித்துக் காட்டினார்.

ஒரு ஜெர்மன் தொழிலாளிக்கு குடுக்கற சம்பளத்திலே இரண்டு அமெரிக்க தொழிலாளியை வேலைக்கு அமர்த்தலாம்... இல்லே, தைவான் நாட்டுத் தொழிலாளி ஐந்து பேரையோ, பிரேசில் நாட்டு தொழிலாளி எட்டுப் பேரையோ வேலைக்கு வைத்துக் கொள்ள முடியும். ஆனா, இந்தியாவின் கதையோ அபாரம்... ஒரு ஜெர்மன் தொழிலாளியின் சம்பளத்தில் 128 இந்திய தொழிலாளிகளை வேலைக்கு வைத்துக் கொள்ளலாம்ன்னா பாரேன்.

இந்திய தொழிலாளியின் குறைந்தபட்ச சம்பளம் மணிக்கு 25 ரூபாய்ன்னா, ஜெர்மன் தொழிலாளியின் சம்பளம் மணிக்கு 1,150 ரூபாய்! அப்புறம் ஏன் ஜெர்மன் தொழில் அதிபர்கள், புதிய பொருளாதாரக் கொள்கை வந்த பின்னே இங்கே மூலதனத்தைக் கொட்டத் தயங்கப் போறாங்க.

கடந்த, 20 ஆண்டுகளில், இந்தியாவில் பல தொழில்களில் முதலீடுகளை செய்துள்ளனர் ஜெர்மானியர்கள்... ஆனால், இதில் சோகமான விஷயம் என்னவென்றால், சுற்றுப்புறச் சூழ்நிலைக்கும், உடல் நலத்திற்கும் கேடு விளைவிக்கக் கூடிய பாதுகாப்பு அம்சங்கள் குறைந்த, ஜெர்மன் சட்டப்படி அங்கு தடை செய்யப்பட்ட தொழில்கள் தான் இங்கு வந்துள்ளன,' என்றார் அந்த நண்பர்.

புதிய பொருளாதாரக் கொள்கையின் மூலம் வெளிநாட்டு மூலதனத்தை இங்கே குவிப்பதை மட்டுமே அரசு கருத்தில் கொள்ளாமல், நம்நாடு குப்பைத் தொட்டிகளின் சங்கமமாகாமல் பார்த்துக் கொள்வதும் மிக, மிக அவசர அவசியம். 

Read More

'வைபை'க்கு டாட்டா காட்ட வருகிறது!

இனி இன்டர்நெட் பயன்படுத்த 'வைபை' வசதி இல்லையே என்று கவலைப்பட வேண்டாம். ஒரு பல்பை போட்டால் 'லைபை' வசதி கிடைத்து விடும். அதன் மூலம் இன்டர்நெட் பார்க்க முடியும். 

பல காலமாக குழந்தைகளுக்கு டிஜிட்டல் பொம்மை முதல் வீடியோ கேம் வரை, பல்பு முதல் பட்டாசு வரை எல்லாவற்றையும் மலிவு விலையில் அள்ளிக்குவிக்கும் சீனா தான் இப்போது இந்த 'பல்ப்' மூலம் இன்டர்நெட் வசதியையும் கண்டுபிடித்துள்ளது.

ஒரு வாட் பல்பை வாங்கி எரிய விட்டால் போதும், அடுத்த நொடி இன்டர்நெட்டுக்கு உயிர் வந்துவிடும். லைட்டை ஆப் செய்து விட்டால் இன்டர்நெட்டுக்கான 'லைபை' போய் விடும். ஒரு பல்பு எரியவிட்டால் நான்கு கம்ப்யூட்டர் வரைக்கும் இன்டர்நெட்டை பயன்படுத்த முடியும்.

விநாடிக்கு 150 மெகாபைட் வேகம் கொண்டதான இந்த ”லைபை” குறித்து இன்னும் ஆராய்ச்சிகள் தொடர்கின்றன. வர்த்தக ரீதியாக பயன்படுத்த முழு அளவில் தயாரிக்கப்படும் என்று இதை கண்டுபிடித்த ஷாங்காய் பல்கலைக்கழக பேராசிரியர் சிநான் கூறினார். லெட் வகை பல்பில் மைக்ரோசிப் பொருத்தப்பட்டிருக்கும். அதன் மூலம் அலைக்கற்றைகள் எழுப்பப்பட்டு, இன்டர்நெட் வசதி ஏற்படுத்தப்படுகிறது. சீனாவில் ஷாங்காயில் கடந்த நவம்பர் 5 ம் தேதி  சர்வதேச கண்காட்சியில் இந்த 'லைபை' அறிமுகம் செய்யப்பட்டுள்ளது.

வழக்கமான "வைபை' வசதி, ரேடியோ அலைகளை கொண்டு ஏற்படுத்தப்படுகிறது. அதன் மூலம் இன்டர்நெட் உயிர்பெறுகிறது. ஆனால், இந்த ஒரு வாட் பல்பை வைத்து சீனா, இன்டர்நெட்டை பயன்படுத்த முடியும் என்று கண்டுபிடித்துள்ளது. மலிவு விலை பொருட்களை கண்டுபிடித்து உலக நாடுகளில் சந்தையில் பெரும் மாற்றத்தை கொண்டு வந்துள்ள சீனா வின் 'லைபை' கண்டுபிடிப்பால் தொழில்நுட்ப புரட்சி ஏற்படும் என்று தெரிகிறது.

சீனாவில் மட்டும் 60 கோடி பேர் இன்டர்நெட் வசதி வைத்துள்ளனர். அவர்கள் எல்லாம் 'வைபை'யில் இருந்து தங்கள் சொந்த நாட்டு கண்டுபிடிப்பான 'லைபை'க்கு மாறி விடுவர். மேலும், உலக நாடுகளில் பலவும் இந்த வசதிக்கு மாறினால், 'வைபை'க்கு டாட்டா காட்டும் காலம் வெகு தூரத்தில் இல்லை என்று கணக்கு போடுகிறது சீனா.

Read More

அழிவின் அடையாள தமிழக அரசு!?

குடிநீரை அரசு விற்பது என்பது சரிவின் துவக்கம். மக்களுக்கு சுத்தமான குடிநீரை வழங்குவது அரசின் கடமை. அதற்கு வழியில்லை என்று அரசே ஒத்துக்கொள்வதுதான் மலிவுவிலை குடிநீர் வழங்கும் முடிவு. 

தனியார் கம்பெனிகளுடன் போட்டிபோட்டு நான் குறைந்த விலையில் தண்ணீர் தருகிறேன் என்று அரசு கூறுவது அழிவின் அடையாளம். 

மத்திய அரசின் தேசிய நீர்க்கொள்கையின் வரைவை வாசித்துப் பார்த்தால் ஏற்படும் அதிர்ச்சி சொல்லிமாளாது. நீரை தனியார்மயமாக்குவதை எதிர்க்கும் நாம் நீரை விற்பனைப் பண்டமாக்க அரசே முயல்வதை அதைவிட இருமடங்கு எதிர்க்க வேண்டும். மக்களை இப்படிப் பழக்கப்படுத்திவிட்டால், நீர் அரசியலை எளிதாகச் செய்யலாம் என்பது அரசுகளின் திட்டம். அதற்கு நாம் இரையாகிவிடக் கூடாது.  

மக்களின் நுகர்வு மனநிலையை குறிவைத்து நடக்கும் இந்த வியாபாரத்தை செய்வது அரசுக்கு அழகல்ல. தந்திரத்தின் ஒரு பகுதியே இது. குடிநீர், மருத்துவம், கல்வி இவற்றை இலவசமாக அளிக்க முடியாத ஓர் அரசு கையாலாகாத அரசு.

ஆனால்., நம் ஊரில் இம்மூன்றுமே தான் முக்கியமான வியாபாரம். இன்னும் என்னவெல்லாம் மலிவு விலையில் கிடைக்கப்போகிறதோ? இலவசமாய் தரவேண்டியவற்றை காசு கொடுத்துவாங்க வைப்பதும், காசு கொடுத்து வாங்கவேண்டியவற்றை இலவசமாய் வாங்க வைப்பதுமான அரசு தான் நமக்கு வாய்த்திருக்கிறது.

பாசிசத்தின் காரிருள் இந்நாட்டின் ஆட்சி, அதிகார, நீதி, ஊடக துறைகளையெல்லாம் சூறையாடி வரும் வேளை..!?

Read More

பிஞ்சுக்கு உள்ள அக்கறை நமக்கில்லையே!?

நாட்டு நலனில் இந்த நாலாங் கிளாஸ் படிக்கும் பிஞ்சுக்கு உள்ள அக்கறை நமக்கில்லையே!

பூரண மதுவிலக்கை அமுல்படுத்தக் கோரி, மதுவிலிருந்து மீண்ட தந்தையுடன் சேர்ந்து மதுரை கலெக்டர் அலுவலகம் எதிரே உண்ணாவிரதம் இருக்கும் நாளாம் வகுப்பு சிறுமி ஜோதிமணி.

தமிழக அரசே! இந்த பிஞ்சுவின் குரலை செவிமடுப்பாயா? அல்லது சிறார்கள் சிறையில் தள்ளுவாயா?.

மதுவுக்கு எதிரான போராட்டம்; சகோதரி நந்தினி திருச்சி மகளிர் சிறையிலும், அவரது தந்தை மதுரை மத்திய சிறையிலும் அடைப்பு!

மெல்லக் கொல்லும் மது அரக்கனுக்கு எதிராக போராடியது ஜனநாயக நாட்டில் குற்றமா? கொடுமையா?, தமிழக அரசே!?.

Read More

பாலுணர்வை தூண்டக்கூடிய சாக்கலேட்!!

பாலுறவையும், பாலுறவு உணர்ச்சிகளையும் தூண்டக்கூடிய சாக்கலேட், ஸ்டிராபெர்ரி, பல்வேறு வகையான மூலிகைப் பொருட்களுடன் தற்போது நம்பமுடியாத வகையில் இணைந்திருப்பது கழுதைகளின் தோலில் இருந்து தயாரிக்கப்படும் மாத்திரைகள்.

ஆச்சரியமாக இருக்கிறதா? ஆம். நம்பித்தான் ஆக வேண்டும்.

சீனாவில் பாரம்பரிய மருந்துகளைத் தயாரிப்பதற்கு கழுதைகளின் தோலை பதப்படுத்தி அதில் இருந்து எடுக்கப்படும் பொருள் பயன்படுத்தப்படுவதாகத் தெரிய வந்துள்ளது.

இந்த மருந்தானது, பெண்களின் பாலுணர்வைத் தூண்டுவதாகத் தெரிய வந்துள்ளது. தற்போது ஹாங்காங்கைச் சேர்ந்த ஒரு மருந்து நிறுவனம் ஆண்டுதோறும் சுமார் 10 லட்சம் கழுதை தோல்களை பாரம்பரிய மருந்துகளை தயாரிப்பதற்காக பயன்படுத்தி வருகிறது.

தென் அமெரிக்காவில் நீண்டகாலமாக கழுதை தோலில் இருந்து மருத்து தயாரிக்கப்பட்டு வந்த நிலையில், தற்போது ஆஸ்திரேலியாவிலும் இந்த தயாரிப்பு தொடங்கப்பட்டுள்ளது.

சிட்னியைச் சேர்ந்த ஏற்றுமதியாளர் ஜான் பிளெமிங், வெளிநாடுகளில் கழுதைகளை விற்பனை செய்வதற்காக கழுதை வேட்டையை விரும்புவதாகக் கூறியுள்ளார்.

மருந்து நிறுவனங்களுக்கு கழுதையின் தோல் தேவைப்படுவதாகவும், அதில் இருந்து வடிகட்டுதல் மூலம் பெறப்படும் ஒருவகைப் பொருளைக் கொண்டு பாரம்பரிய மருந்துகளை அந்நிறுவனங்கள் தயாரிப்பதாகவும் தெரிகிறது.

ழுதை தோலில் இருந்து எடுக்கப்படும் பொருள் `எஜியாவோ' என்றழைக்கப்படுகிறது. இதில் இருந்து தயாரிக்கப்படும் `நு பாவ்' என்ற மருந்து பெண்களின் பாலுறவு உந்துதலைத் தூண்டுவதுடன், மாதவிடாய் காலங்களில் ஏற்படும் வலியைப் போக்க உதவுவதாகவும் தெரிய வந்துள்ளது. கழுதை தோல் ஒன்று (பதப்படுத்தப்பட்டது) 30 அமெரிக்க டாலர் மதிப்பு கொண்டுள்ளதாகத் தெரிய வந்துள்ளது.

Read More

இரட்டை முக துர்கா நாக்பாலின்!?

உத்தர பிரதேச அரசால் பணி இடை நீக்கம் செய்யப்பட்ட ஐ.ஏ.எஸ் பெண் அதிகாரி துர்கா நாக்பாலினை மணல் கொள்ளையர்களுக்கு எதிராக போராடிய வீரநாயகியாக ஊடகங்களும் சமூக வலைத்தளங்களும் மற்றும் பலரும் வீரபரிவேசம் கெட்டும் போது காதல் பூர்கிராமவாசிகளுக்கு துர்காவை பற்றி சொல்ல விரும்புவது வேறொன்றாக இருக்கிறது.

70 சதவிகிதம் இசுலாமிய மக்கள் தொகை கொண்ட காதல்பூர் கிராமத்தில் இசுலாமிய வணக்கத்தலத்தை இடித்து தகர்க்க ஜூலை 27ம் தேதி தலைமை தாங்கியது துர்கா நாக்பால் என்று கிராமத்தார்கள் குற்றம் சாட்டுகிறார்கள்.

டெல்லியோடு சேர்ந்த கிரேட்டர் நோய்டாவில் கெளதம்பூத் நகரில் அமைந்திருக்கிறது உலகளவில் சர்சை செய்யப்பட்ட விவாதத்தின் மைய பகுதியான காதல்பூர் கிராமம்.

காதல்பூருக்கு வருகை தந்த ஜமாத்தே இசுலாமிய செயலாளர்களான முஹம்மது அஹ்மது, எஞ்சினியர் முஹம்மது சலீம் ஆகியோரோடு கிராம மக்கள் நடந்த சம்பவங்களை தெளிவு படுத்தினார்கள்.

சப்- டிவிசன் மாஜிஸ்டிரேட் என்ற நிலையில் எச்சரிக்கை அறிக்கை கூட அளிக்காமல்சம்பந்தபட்ட அரசு அதிகாரிகளிடம் அணுமதி வாங்கவில்லை என்ற காரணம் கூறி பள்ளி வாசலின் சுற்று சுவர்களையும் மேல் தளத்தையும் துர்காவின் உத்தரவிற்கிணங்க இடிக்கப்பட்டு இருக்கிறது.

ஆனாலும் பள்ளிவாசல் கட்ட கிராம பஞ்சாயத்தின் அணுமதி வாங்கப்பட்டு இருக்கிறது என்று கிராம தலைவி அப்ரோஸ்வின் கணவர் முஹம்மது செரீப் தெரிவித்தார்.துர்காவின் நடவடிக்கைகள் எங்களை திடுக்கிட செய்தது என்றும் செரீப் தெரிவித்தார்.

காதல் பூரில் கட்டுமாண பணியில் இருக்கும் பள்ளிவாசல் அணுமதி வாங்காமல் கட்டப்பட்டு வருகிறது என்றும் பள்ளிவாசல் இடிக்கப்பட நேரலாம் என்றும் துர்கா முன்னரே அறிவிப்பு ஒன்றினை வெளியிட்டு இருந்தார்.

இதனை தொடர்ந்து பள்ளி வாசலை சட்டப்படி பதிவு செய்து கொள்ள சிறிது கால அவகாசம் அளிக்க வேண்டும் என்றும் அதுவரை நாங்கள் கட்டுமாண பணிகளை மேற்கொள்ள மாட்டோம் என்றும் கிராம மக்கள் துர்காவிடம் கோரிக்கை மணுவும் அளித்து இருந்தார்கள்.

பள்ளிவாசல் கட்ட முன் அணுமதி வாங்க வேண்டும் என்ற சட்ட அறிவு இல்லாத கிராம மக்கள் சட்டப்படி அணுமதி வாங்கும் வரை கட்டுமாண பணிகளை மேற்கொள்ள மாட்டோம் என்றும் துர்காவிடம் சம்பவ சமயத்தில் உறுதியும் அளித்து இருந்தார்கள்.

ஆனால் இதனை ஒன்றும் காதில் வாங்கி கொள்ளாமல் ஐ.ஏ.எஸ் அதிகாரி ..!? துர்கா பள்ளிவாசலை இடிக்க உத்திரவிட்டு இருக்கிறார்.

பள்ளிவாசலின் சுற்று சுவர்கள் இரண்டு ஆண்டுகளுக்கு முன் கட்டப்பட்டவையாகும்.இரண்டு மாதங்களாக பள்ளிவாசலின் கட்டுமாண பணிகள் முன்னெடுத்தும் செல்லப்பட்டு வருகின்றன.

பள்ளிவாசல் இடிக்கப்பட்ட சம்பவத்தில் துர்காவிற்கு குற்றமற்றவர் என்ற மாவட்ட நீதிபதியின் அறிக்கையை நாங்கள் ஏற்று கொள்ள போவதில்லை என்று தெரிவிக்கும் கிராம மக்கள்.விசாரனை மேற்கொண்ட மாவட்ட நீதிபதி சம்பவ இடத்தை கூட பார்வையிடாமலும், கிராம மக்களுடன் பிரச்சனை குறித்து ஆராயமலும் ஒரு தலைபட்சமாக தீர்ப்பு வழங்கி இருக்கிறார் என்று குற்றம் சாட்டுகின்றனர்.
.
சம்பவ இடத்தை பார்வையிடாமல் விசாரனை அறிக்கையை எங்கனம் வழங்கினார்? என்று கிராம முக்கியஸ்தர் அஹ்மத் கேள்வியை உயர்த்துகிறார்.

மணல் கொள்ளையர்களுக்கு எதிராக நடந்து கொண்டதால் தான் துர்கா தண்டிக்கப்பட்டார் என்பதை கிராம மக்கள் நம்பவில்லை.மாறாக அகம்பாவத்துடன் பள்ளிவாசலை இடித்தற்கான தண்டனையே துர்காவிற்கு கிடைத்திருக்கிறது என்று கிராம மக்கள் கருத்து தெரிவிக்கிறார்கள்.

மேல் தளம் தகர்ப்பட்ட பள்ளிவாசலில் தற்போது பந்தல் அமைத்து பள்ளிவாசலாகவும் நிலை நிறுத்தி இருக்கிறார்கள் கிராம மக்கள்.

இதனிடையில் வக்பு போர்டு உறுப்பினர் ஒருவர் துர்காவிற்கு ஆதரவு தெரிவித்து அறிக்கைவிட்டு இருப்பது, கிராம மக்களை ஆத்திரமடைய செய்துள்ளது என்பது குறிப்பிடத்தக்கது!

@ இசுலாமியன் என்றால், அதிகார வர்க்கம் அவன் சவத்தையும் தோண்டி எடுத்து குத்தும்!.

கோயபல்சுகளின் ஊடகங்களின் தராதரத்திற்கு இதுவும் ஒரு எடுத்துக்காட்டு இத்தகைய ஊடகங்களில் வரும் செய்திகளை நம்புபவர்களை பொய்யான வாழ்க்கையில் திட்டமிட்டு தள்ளுகிறது. தராதரமற்ற ஊடகங்களை மக்கள் புறம் தள்ளாதவரை நாட்டில் அமைதி என்பது கானல் நீரே. 

ஊடகங்கள் சரியான செய்தியை தருகிறதா?ஐ.ஏ.எஸ் அதிகாரி..!? துர்கா நாக்பாலின் இரட்டை முகம்!.

 

Read More

புதினமான புதினா!?

புதினா வயிற்றுவலி, வயிற்றுப் பொருமல், செரியாமை முதலியவற்றிற்கு உதவுகிறது. புதினாக் கீரையில் உடல் ஆரோக்கியத்திற்க தேவையான வைட்டமின்களும், தாதுப்பொருட்களும் அதிக அளவில் இருக்கின்றன. புதினாக் கீரையைத் தொடர்ந்து பயன்படுத்தி வந்தால் இரத்தம் சுத்தமாகும்.

வாய் நாற்றம் அகலும். ஜீரண சக்தி அதிகரித்து பசி தூண்டப்படும். மலச்சிக்கலும் நீங்கும். பெண்களின் மாதவிலக்குப் பிரச்னைகள் தீர புதினாக்கீரை உதவுகின்றது. ஊளைச் சதையைக் குறைப்பதற்குப் புதினா சிறந்த மருந்தாகப் பயன்படுகிறது. வயிற்றுப் புழுக்களை அழிக்க இது உதவுகின்றது. வாய்வுத் தொல்லையை அகற்றுகின்றது.

தலைவலி வந்தவர்கள் புதினா இலையின் சாற்றை பூசலாம். இளைப்புநோயையும், ஆஸ்துமாவையும் புதினாக் கீரை கட்டுப்படுத்துக ன்றது. மஞ்சள் காமாலை, வாதம், வறட்டு இருமல், சோகை, நரம்புத் தளர்ச்சி ஆகியவற்றுக்கும் புதினாக் கீரை சிறந்த மருந்தாகப் பயன்படுகிறது.

பல் ஈறுகளில் உண்டாகும் நோய்களையும் புதினாக் கீரை குணப்படுத்துகிறது. வயிற்றுப்போக்கு ஏற்பட்ட சமயம் புதினாக்கீரை துவையலை சாதத்துடன் சேர்த்துச் சாப்பிட்டு வந்தால் வயிற்றுப்போக்கு நிற்கும்.

புதினா இலைகளை காய வைத்து சருகுபோல காய்ந்தபின் அதை எடுத்து, இலை இருக்கும் அளவில் எட்டில் ஒரு பங்கு சோற்று உப்பை அத்துடன் சேர்த்து உரலில் போட்டு நன்றாக தூளாகும் வரை இடிக்க வேண்டும்.

தூளான பின் எடுத்து, மாவு சலிக்கும் சல்லடையில் சலித்து வாயகன்ற பாட்டிலில் போட்டு வைத்துக்கொள்ள வேண்டும். இதைத் தினசரி உபயோகித்து வந்தால் பற்கள் முத்து போல பிரகாசிக்கும். பல் சம்பந்தமான எல்லா வியாதிகளும் குணமாகும்.

Read More

இந்தியாவின் மிகப்பெரிய தீவிரவாதி!?

ஒரு மாநில முதல்வரை தீவிரவாதி என்றும் அசிங்க, அனாச்சார அயோக்கியத்தனங்கள் செய்தார் என்று சொல்ல ஒருவருக்கு துனிவுவேண்டும்,  உண்மையை  பேசிய பீகார் மந்திரி. 

இந்தியாவின் மிகப்பெரிய தீவிரவாதி நரேந்திர மோடி:-உண்மையை உடைத்துப்பேசிய பீகார் மந்திரி..! 

பாரதிய ஜனதாவின் பிரதமர் வேட்பாளரான நரேந்திர மோடியை ஒரு மிகப்பெரிய தீவிரவாதி என்று பீகார் விவசாய மந்திரி நரேந்திர சிங் கடுமையாக விமர்சித்துள்ளார். 

இது குறித்து அவர் கூரியதாவது: நாட்டின் மிகப்பெரிய தீவிரவாதி நரேந்திர மோடி, இதனால்தான் அவர் தீவிரவாதிகளிடமிருந்து நாட்டிற்கு அச்சுறுத்தல் இருக்கிறது என்று பேசிவருவது இயற்கைதான். 

மற்றவர்களைக் கொல்லுகிற ஒருவர் எப்போதும் பயந்தே வழ்கிறார். அதனால், நாம் கொல்லப்படுவோமோ என்ற பயத்தில் எப்போதும் அவர் பாதுகாவலர்களுடனேயே சுற்றி வருகிறார். 

பீகார் பொதுகூட்டத்தில் நடந்த தொடர் குண்டுவெடிப்பில் பாரதிய ஜனதாவிற்கு தொடர்பு இருக்கிறது. விளம்பரத்திற்காக மோடி அதிகம் பாதுகாப்பு வேண்டும் என்று கோரிக்கை விடுக்கிறார் இவ்வாறு அவர் கூறியுள்ளார்.

Read More

பிரச்சினை சிக்கலா! ஓர் தீர்வு!!

காலை எழுந்ததும் சிலபேர் அங்கும் இங்கும் நடப்பார்கள். என்ன தினம் இதே வேலையாகீவிட்டது என்று தனக்கு தானே எரிச்சல் பட்டுக்கொள்வர் அதற்கு இதோ ஓர் தீர்வு. 

தினமும் சாப்பிடக்கூடிய பேரீச்சம்பழத்தில் என்ன பயன் இருக்குதுன்னு உங்களுக்கு தெரியுமா?. சாதாரணமா நினைச்சிடாதீங்க பேரீச்சம்பழத்தை. பேரீச்சம்பழம் இரத்தத்தைச் சுத்தப்படுத்தி ரத்த விருத்தி செய்யும், எலும்புகளை பலப்படுத்தும், இளைப்பு நோயைக் குணப்படுத்தும் மேலும் இதயநோய் வராமல் தடுக்கும்.

மலச்சிக்கல்:பேரீச்சம் பழம் மலச்சிக்களை போக்கக்கூடிய சிறந்த உணவாகும். மலச்சிக்களால் அவதிபடுபவர்கள் பேரீட்சைபழத்தை தொடர்ந்து சாப்பிட்டு வர மலச்சிக்கள் பிரச்சனைகள் தீரும். மலச்சிக்களை போக்ககூடிய பேரீட்சைபழத்தை சாப்பிட விரும்பினால் தண்ணீரீல் ஒரு நாள் இரவு முழுவதும் ஊறவைத்து விட்டு பின்னர் பேரீச்சம் பழத்தை சாப்பிடவேண்டும். ஒரு நாள் ஊற வைத்துவிட்டு சாப்பிடும் போதுதான் பேரீச்சம் பழத்தின் முழுபலனையும் பெறமுடியும். அதிக நார்ச்சத்து கொண்டதால் மலத்தை இளக்கி மலச்சிக்கலை போக்கிடும்.

குடல் நோய்கள்: எண்ணற்ற வைட்டமின் சத்துக்கள் நிறைந்த பேரீச்சம்பழம், உடலை சக்தியுடன் வைத்துக்கொள்ள உதவும் சிறந்த உணவாகும். தினமும் பேரீச்சம் பழம் சாப்பிட்டு வருபவர்கள் புத்துணர்வுடன் இருப்பதை காணலாம். தொடர்ந்து பேரீச்சம் பழம் உண்பவர்களுக்கு குடல் நோய்கள் மற்றும் இதயம் சம்பந்தமான அனைத்து நோய்களும் குணமடையும். வயிறு மற்றும் குடல் சம்பந்தமான அனைத்து நுண் கிருமிகளும் வெளியேறும்.

பெண்களுக்கு: பெண்களுக்கு தேவையான இரத்தத்தை உற்பத்தி செய்திட உதவும். இரத்த சோகையை தவிர்த்திடும். நன்கு பழுத்த உலர்ந்த பழங்களை சுத்தம் செய்து விதை நீக்கி உண்பது நல்லது. பழங்களை பாலில் கொதிக்க வைத்து மசித்து உண்ணலாம். பழங்களை இரண்டாக நறுக்கி தேனில் ஊறப்போட்டு வைத்துக் கொண்டு தினசரி இரவு உண்ணலாம். பிற உணவுகளில் இனிப்பு சுவைக்காக பேரீச்சம் பழங்களை அரைத்து கலந்து உபயோகிக்கலாம். பேரீச்சம்பழத்தை தொடர்ந்து உட்கொண்டு வர எடை மற்றும் வளர்ச்சி அதிகரிக்கும்.

சளி மற்றும் இருமல்: பேரீச்சம் பழம் சளி மற்றும் இருமலுக்கான சிறந்த மருந்தாக குழந்தைகளுக்கு பயன்படுகிறது. பேரீச்சம் பழத்தின் கொட்டைகளை நீக்கி பாலில் போட்டு காய்ச்சி ஆறியபின் பழத்தை சாப்பிட்டு பாலையும் பருகி வந்தால் சளி, இருமல் குணமாகும். நீரழிவு நோயால் பாதிக்கப்பட்டவர்களின் எலும்புகள் அதிக பலம் இழந்து காணப்படும். இவர்களுக்கு கால்சியம் இரும்பு சத்து தேவை. இவர்கள் தினமும் ஒன்று அல்லது இரண்டு பழம் வீதம் சாப்பிட்டு வந்தால் உடலுக்குத் தேவையான சத்துக்கள் கிடைப்பதோடு எலும்பும் பலப்படும்.

Read More

காணாமல் போக காத்திருக்கும் இந்தியா!?

காஸ்மீர்
இந்தியர்களால் புறக்கணிக்கப்பட்ட மாநிலம்
இந்திய முஸ்லீம்களால் மறக்கடிக்கப்பட்ட மாநிலம்
கோரங்கள் எத்தனை ரகமோ
அத்தனையும் அங்கு சமர்ப்பணம்
அதிகாரம் முழுவதும் அரக்கனின் குணம்
அடக்குமுறையை எதிர்கொள்ளும் வீரர்களின் குளம்
சாதிக்க நினைக்கும் இளைஞர்களின் களம்
காஸ்மீர்

ஓநாய்கள் ஆட்டின் காவல் என்று
கதைகளில் கண்டோம்
காவலர் வேடமிட்ட ஓநாய்ககளை
காஸ்மீரில் கண்டோம்
இந்தியப்படைகள் என்று
இழிவானவர்களை கண்டோம்
அதன் இழிவுதனத்தை
காஸ்மீர் பெண்களின் ஓலத்தில் கண்டோம்

காஸ்மீர்
சிவப்பு ரோஜாக்களை வீதிகளில் கண்டோம்
அவை உருவாக காரணமான
சிவப்பு(ரத்த) ஆற்றை வீதி எங்கும் கண்டோம்
காவிகளின் சதியை
இந்திய காவலனின் வேடத்தில் கண்டோம்
காஸ்மீர்
குழந்தைகளின் வீரத்தை
அந்த காவலர்களின் எதிரே கண்டோம்

மத சார்பற்ற நாடாம்
இந்தியா ஆனால் காஸ்மீரின்
மண்ணில் மட்டும்
ஆண்களை அடக்கமாக்குமாம்
பெண்களை அடிமைகலாக்குமாம்
குழந்தைகளை குழியில் தள்ளுமாம்
அதை கண்டு குமுரியவனை
குழப்பவாதி என்று கூறுமாம்
எங்கே உங்கள் மத சாரர்பற்ற தன்மை
மதம் என்ற போர்வையில் காவிகள்
மட்டுமே வாழ்கிறார்கள்
இந்த திருநாட்டில்
காவல்துறையின் காவலோடு
கருப்படிந்த தேசம்
இந்தியா காணாமல் போகும்
நாள் நெருக்கத்தில்
அதற்காக காத்திருக்கும்
காஸ்மீர் ரோஜா 

Read More

முடியால் முடியும் மாரடைப்பை கண்டறிய!?

நமது தலை முடியில் உள்ள ஹார்மோனை வைத்து மாரடைப்பு வருமா என்பதை கண்டறிய முடியும் என கனடா ஆய்வாளர்கள் கண்டறிந்துள்ளனர். 

* தலைமுடியில் ஹார்மோன் கார்டிசால் அதிக அளவில் இருந்தால் மாரடைப்பு ஏற்படும் என்று அவர்கள் கூறியுள்ளதாக ஸ்டிரஸ் என்ற பத்திரிக்கை செய்தி வெளியிட்டுள்ளது. வேலை, குடும்பம் மற்றும் பணப் பிரச்சனைகளால் மாரடைப்பு உள்ளிட்ட இதயநோயகள் ஏற்படும் வாய்ப்புகள் அதிகம் உள்ளது.

* ஆனால், மாரடைப்பு எப்போது ஏற்படும் என்பதை முன்கூட்டியே கணிக்க முடியாது. இந்த நிலையில்தான் தலைமுடியில் உள்ள கார்டிசாலின் அடர்த்தியை வைத்து இதை கணிக்க முடியும் என ஆய்வு முடிவு தெரிவித்துள்ளது.

* வழக்கமாக ரத்த நிணநீர், சிறுநீர் மற்றும் உமிழ்நீரில் தான் கார்டிசாலின் அளவு கண்டறியப்பட்டது. இவற்றில் சில மணி நேரத்தில் இருந்து சில நாட்கள் வரை உள்ள கார்டிசாலைத் தான் அளக்க முடியும். 

* இதனால் நீண்ட காலமாக உள்ள அழுத்தத்தைக் கண்டறிய முடியாது. ஆனால் தலைமுடியில் உள்ள கார்டிசாலை வைத்து பல மாதங்களுக்கு முன்பே மாரடைப்பை கணிக்க முடியும் என்பது ஆய்வாளர்களின் கருத்து. 

* சாதாரணமாக நமது தலை முடி ஒவ்வொரு மாதமும் 1 செமீ வளர்கிறது. 6 செமீ நீளம் உள்ள முடியை பரிசோதனை செய்வதன் மூலம் நெடுங்காலமாக இருந்து வரும் அழுத்த அளவை அறியலாம்.

* இதுதொடர்பாக இஸ்ரேலில் உள்ள மெய்ர் மெடிகல் சென்டரில் அனுமதிக்கப்பட்ட, மாரடைப்பு ஏற்பட்ட 56 ஆண்களின் முடி மாதிரியையும், இதய நோயாளிகள் அல்லாத 56 ஆண்களின் முடி மாதிரியையும் பரிசோதித்தனர். 

இதில் மாரடைப்பு நோயாளிகளின் முடியில் கார்டிசால் அதிக அளவில் இருந்தது கண்டுபிடிக்கப்பட்டதாம்.

Read More

நச்சன சொன்ன நாசர்!?

பிரபல திரைப்பட நடிகர் நாசரை கல்லூரி விழா ஒன்றிற்குத் தலைமை தாங்க அழைத்திருந்தார்கள். நாசரும் சென்றிருந்தார். 

அப்போது கல்லூரி மாணவர்கள் பலர் அவரைச் சூழ்ந்துகொண்டு "உங்கள் பெயரில் "ரசிகர் மன்றம்' ஒன்றை நிறுவ விரும்புகிறோம். அதற்கு உங்கள் ஒப்புதல் வேண்டும்'' என்று கேட்டார்கள். எல்லோரின் எதிர்பார்ப்பிற்கும் மாறாக நாசர் அதற்கு ஒப்புக் கொள்ளவில்லை! காரணம்? அவரே சொல்கிறார்:

"இந்த ரசிகர் மன்றங்கள் அமைப்பதில் அதிக ஆர்வம் காட்டுபவர்கள் எல்லோரும் அநேகமாக இருபதிலிருந்து 25 வயதுக்குள்பட்ட இளைஞர்கள்தான். இந்தக் காலகட்டம்தான் ஒவ்வொரு மனிதனின் வாழ்விலும் மிக முக்கியமான காலகட்டம். தன் எதிர்கால பிரகாசமான வாழ்வுக்கு அஸ்திவாரக் கல் நட வேண்டிய அருமையான நேரம். இந்தத் தருணத்தில் இன்னொரு மனிதனுக்குக் கொடி பிடிப்பதிலும், பாராட்டு விழா நடத்துவதிலும், போஸ்டர் அடித்து ஒட்டுவதிலும் இளைஞர்கள் தங்கள் பொன்னான நேரத்தைச் செலவழித்துத் தங்கள் வாழ்க்கையை வீணடித்துக் கொள்வதை என்னால் அனுமதிக்க முடியாது''.

இளைஞர்களுக்கு சரியான நேரத்தில் சரியான புத்திமதி! சரியா!?

Read More

ந‌ண்ப‌ர்களோ காதல‌ர்களோ எ‌ச்ச‌ரி‌க்கை!?

ந‌ண்ப‌ர்களோ அ‌ல்லது காதல‌ர்களாகவோ இரு‌ந்து‌வி‌‌ட்டு ‌பி‌ரிய நே‌ர்‌ந்தா‌ல் ‌பி‌ரிவு ம‌ட்டு‌ம் துயர‌த்தை அ‌ளி‌ப்ப‌தி‌ல்ல ‌சில நேரஙக‌ளி‌ல் ந‌ண்ப‌ர்களோ அ‌ல்லது காதலரோ கூட துயர‌த்தை ஏற்படுத்தலாம்.

அதாவது, நண்பர்களாக பழகு‌ம் போதுஉங்களுடன் ஒ‌ன்றாக எடு‌த்து‌க் கொ‌ண்ட புகை‌ப்பட‌ங்களை‌க் கா‌ட்டி பெ‌ற்றோ‌ரிடமோ அ‌ல்லது கணவ‌ரிடமோ காண்‌பி‌த்து ‌விடுவே‌ன் எ‌ன்று ‌மிர‌ட்டுவது. காத‌ல் கடித‌ங்க‌ள் அ‌ல்லது வா‌‌‌ழ்‌த்து அ‌ட்டைகளை வை‌த்து‌‌க் கொ‌ண்டு ‌மிரட‌டுவது போ‌ன்றவ‌ற்‌றி‌ல்  ஈடுபடலா‌ம்.

மேலு‌ம் ‌சில‌ கொடூர மன‌ம் படை‌த்த ஆ‌ண்க‌ள், தனது நட்பை துண்டித்துக் கொள்ளும் தனது தோ‌ழி‌யி‌ன் புகை‌ப்பட‌த்தை இணையதள‌த்‌தி‌ல் போ‌ட்டு ‌விலை மாதராக ‌‌சி‌த்த‌ரி‌ப்பது போ‌ன்றவ‌ற்‌றி‌ல் ஈடுபடு‌கிறா‌ர்க‌ள். மேலும் அதில் செ‌ல்பே‌சி எ‌ண்ணையு‌ம் அ‌ளி‌த்து அவ‌ர்களு‌க்கு ‌பிர‌ச்‌சினையை உ‌ண்டு ப‌ண்‌ணி ‌அவர்கள் கஷ்டப்படுவதை பார்த்துசந்தோஷப்படுவார்கள்.

இதனா‌ல் அ‌ந்த பெ‌ண் ம‌ட்டும‌ல்ல குடு‌ம்பமே கவலை கொ‌ள்‌கிறது. சில குடும்பங்கள் தற்கொலை செய்து கொள்கின்றன. ‌சில‌ர் மு‌ன் வ‌ந்து இது கு‌றி‌த்து புகா‌ர் அ‌ளி‌த்தா‌ல் தவறு செ‌ய்தவ‌ர்களை த‌ண்டி‌க்க வா‌ய்‌ப்பு‌ம் ஏ‌ற்படு‌கிறது. ஆனா‌ல் இதுபோ‌ன்றவ‌ர்க‌ள் நமது பெய‌ர் வெ‌ளியே வ‌ந்து‌விடுமே எ‌ன்ற பயத்தில் புகா‌ர் அ‌ளி‌க்க மு‌ன்வருவ‌தி‌ல்லை.

எனவே, ஆணோ, பெ‌ண்ணோ, ந‌ண்பராக இரு‌ந்தாலு‌ம் ச‌ரி, காதலராக இரு‌ந்தாலு‌ம் ச‌ரி ‌உங்களை பற்றிய எல்லா விஷயங்களையும் அவர்களுடன் பகிர்ந்து கொள்ளமால் ரகசியமாக வைத்து கொண்டு எ‌ச்ச‌ரி‌க்கையாக இரு‌ங்க‌ள்.

Read More

சொலைவனமாக மாற்றிய பெருமை இவருக்கு!

தன் ஆட்சியின் கீழ் ஒரு பாலைவனத்தை சோலைவனமாக மாற்ற முடியும் என்று முயற்சித்து வெற்றியும் கண்டுள்ளார் மறைந்த லிபிய அதிபர் முஅம்மர் க(த்)தாஃபி. 

இவர் காலாத்தில் லிபியா:

1. லிபியாவில் மிசாரக்கட்டணம் கிடையாது, மின்சாரம் இலவசம்.

2. வங்கிகளில் வழங்கப்படும் கடன்களுக்கு வட்டி கிடையாது.

3. வீடு மனை என்பது லிபியாவில் மனித உரிமைகளில் ஒன்றாகக் கருதப்படுகின்றது, லிபியாவில் வாழும் அணைத்து மக்களும் வீடுகள் பெரும் வரை தனக்கோ தனது பெற்றோருக்கோ வீடு கட்டமாட்டேன் என்று கடாஃபி சபதம் பூண்டிருந்ததால் அவரது பெற்றோர்கள் இறக்கும் போது அவர்கள் வீடுகள் இல்லாமல் கூடாரங்களிலேயே இறந்தனர்

4. அந்த நாட்டில் மனம் முடிக்கும் ஒவ்வொரு புதுமணத் தம்பதியினர்களுக்கும் அந்நாட்டின் அரசு 60,000 தினார், அதாவது அமெரிக்க பணம் 50,000 டாலர், அதாவது இலங்கை பணம் சுமார் 56 லட்சத்து ஐம்பதாயிரம் ரூபா பணத்தை இலவசமாக வழங்கியது.

5, லிபியாவில் கல்வி மற்றும் மருத்துவம் முற்றிலும் இலவசம், கடாஃபி அதிகாரத்தை கைப்பற்றும் பொழுது லிப்ய மக்களில் எழத வாசிக்கத் தெரிந்தோர் வெறும் 25% மட்டுமே, ஆனால் அவர் ஆட்சிக்கு வந்ததன் பின் அது 83% உயர்ந்தது.

6. எந்த ஒரு லிப்யனும் விவசாயம் செய்ய விரும்பினால் அவன் விவசாயம் செய்யும் இடத்தில வாழ்வதற்கு அவசியமான ஒரு வீடும், விவசாயம் செய்வதற்கு தேவையான காணி நிலமும் விவசாய உபகரனம்களும், விதைகளும் பசளைகளும் இன்னும் இதற்கு அவசியமான அனைத்தும் முற்றிலும் இலவசம்.

7. லிப்யர்களுக்கு லிபியாவில் மருதுவ வசதி பெறுவதற்கோ அல்லது வெளிநாட்டில் மேற்படிப்பு தொடர்வதட்கோ வசதி இல்லை எனில் அந்த நாட்டு அரசு இலவசமாக அவர்களுக்கு உதவிகள் வழங்கும்.

8. எந்த ஒரு லிபியனும் ஒரு வாகனம் வாங்கும் போதும் அதன் பெருமதியின் அறைவாசித்தொகையை அந்நாட்டின் அரசு இலவசமாக வழங்கும்.

9. அந்தநாட்டில் ஒரு லிட்டர் பெற்றோலின் விலை வெறும் $0.13 மட்டுமே.

10. லிப்யா உலக வங்கிகளிடம் இருந்து இதுவரை கடன் எடுத்ததில்லை.

11. உயர் கல்வி கற்று பட்டதாரி ஆகும் மாணவர்கள் தமக்குரிய வேலை வாய்ப்பு கிடைக்காது போகும் பட்சத்தில் , அவர்களுக்குரிய தகுந்த தொழில் கிடைக்கும் வரை அந்தத் தொழிலுக்குரிய சம்பளத்தை அந்த அரசு மாத மாதம் வழங்கி வந்தது.

12. அந்த நாட்டிற்கு கிடைக்கும் எண்ணெய் வருமானத்தில் ஒரு தொகையை அந்த நாட்டுமக்களின் வங்கிக் கணக்கில் சேமிப்பில் இடும் அந்த அரசு.

13. ஒவ்வொரு குழந்தை பிரச்சவிதின் போதும் அந்தத் தாயிற்கு அந்த நாட்டு அரசு 5000 அமெரிக்க டாலர் நாணயத்துக்கு பெறுமதியான லிபிய திநாரை வழங்கும் அதாவது இலங்கை பணம் ஆறு இலட்சத்து ஐம்பதாயிரம் ரூபா.

14. 40 ரொட்டிகள் வெறும் $ 0.15 தினார் மட்டுமே.

15. 25% லிப்யர்கள் பல்கலைக்கழக பட்டதாரிகளாவர்.

16. உலகிலேயே மிகப்பெரிய செயற்க்கை ஆரை உருவாக்கி லிபியாவின் பாலை நிலத்தை பசுமையாக்கியவர் என்ற பெருமை கடாபிக்கு உண்டு.

இவ்வளவு செய்தும் அவரது முடிவு உலகின் கண்களுக்கு மோசமாக அமைந்ததற்கு காரணம் என்னவென்பதை படைத்த ஒருவனே அறிவான்.

Read More

நம்மலுடைய கட்டாய கடமை!

நம்மலுடைய வீட்டை நாம் சுத்தமாக வைத்து இருக்கிறோம், அதை போல் நம் சுற்றத்தையும் சுத்தமாக வைப்பது நம்மலுடைய முக்கிய கடமை ஆகும். நாளைய நம்மளுடேய் சந்ததிகளுக்கு நாம் என்று எதாவது நல்லது செய்வது என்றால் நீர், நிலம், காற்று போன்றவற்றை சுத்தமாக வைத்தாலே போதும்.

ஏப்ரல் 22 நாள், உலக பூமி தினம் (World Earth Day)." ஒவ்வொரு வினைக்கும் அதற்குச் சமமான எதிர்வினை உண்டு " .இந்த விதி எல்லாவற்றுக்கும் பொருந்தும். இயற்கை மட்டும் விதிவிலக்கா என்ன? இன்றைய இயந்திரச் சூழலில் நமக்கும் இயற்கைக்குமான உறவைப்பற்றி சிந்திக்க நேரமின்றி சதா ஓடிக்கொண்டே இருக்கிறோம். இயற்கை இல்லாமல் ஒரு நிமிடம் கூட நம்மால் வாழ முடியாது . இதை உணர மறக்கிறோம். எல்லாவற்றுக்கும் ஒரு விதமான கவர்ச்சி தேவைப்படுகிறது. நம்மை தாங்கிக் கொண்டிருக்கும் பூமியைப்பற்றிச் சிந்திக்கக்கூட நமக்கு " உலக பூமி தினம் " என்று ஒரு நாள் தேவைப்படுகிறது . 

பூமியின் முதல் எதிரி யார்? சந்தேகமே இல்லாமல் மனிதன் தான். இன்று பூமி இந்த அளவிற்கு பாதிக்கப்பட்டு இருப்பதற்கு நாமும் , நம் வாழ்க்கை முறையும்தான் காரணம் . அறிவியல் என்ற பெயரிலும், கண்டுபிடிப்புகள் என்ற பெயரிலும் தினமும் பூமியைக் காயப்படுத்துகிறோம். இயற்கையோடு இணைந்த அறிவியலால் மட்டுமே மனித குலத்திற்கு நன்மை ஏற்படும். இயற்கைக்கு எதிரான அறிவியல் சிறிய நன்மையையும், பெரிய தீமையையும் கொண்டிருக்கும். நமது ஒவ்வொரு புதிய கண்டுபிடிப்பும் இயற்கைக்கு எதிராகவே உள்ளது. இயற்கையின் தன்மைக்கு ஏற்ப புதிய கண்டுபிடிப்புகள் அமைவதில்லை நமது பயன்பாடும், வர்த்தகமும் மட்டுமே கணக்கில் கொள்ளப்படுகின்றன விளைவு, பூமியே ஒரு பெரிய குப்பைத்தொட்டி ஆனதுதான் மிச்சம்.

இன்று நாம் பயன்படுத்தும் பொருள்களில் எத்தனை மண்ணில் மட்கக்கூடியவை. மிகவும் குறைவு. பயன்படுத்தியபின் தூக்கி எறி ( Use and Through ) கலாச்சாரம்தான் இன்றைய உலகை இயக்குகிறது, இந்தக் கலாச்சாரம் பொருள்களுக்கு மட்டுமல்ல மனிதனுக்கும் தான் ஒரு மனிதனை எவ்வளவு தூரம் பயன்படுத்த முடியுமோ அவ்வளவு தூரம் பயன்படுத்தி விட்டு தூக்கி எறிந்து விடக்கூடியச் சூழல்தான் இன்று உள்ளது. நிலம், நீர், காற்று என்று பாகுபாடில்லாமல் அனைத்தும் மாசடைந்துள்ளது. நம் மீது நாமே குப்பைகளை அள்ளிப்போட்டுக்கொண்டு குப்பைகளுடனே வாழ்கிறோம். நம் வீட்டில் இருப்பது மட்டும் நம் குப்பையல்ல, பூமியில் எங்கு குப்பை இருந்தாலும் அது நம் குப்பைதான், அதற்கு நாம் மட்டுமே காரணம்.

இதற்கு என்ன செய்யலாம் ?, Reduce - குறைக்க வேண்டும் : பிளாஸ்டிக் மற்றும் பூமிக்கு எதிரான மண்ணோடு மண்ணாக மட்காத அனைத்தையும்.

Reuse - மீண்டும் பயன்படுத்த வேண்டும் : நாம் பயன்படுத்தும் அனைத்து பொருள்களையும் எவ்வளவு பயன்படுத்த முடியுமோ அவ்வளவு பயன்படுத்த முடியுமோ அவ்வளவு பயன்படுத்திய பிறகுதான் குப்பைக்கோ மறுசுழற்சிக்கோ போட வேண்டும்.

Recycle - மறுசுழற்சி செய்ய வேண்டும் : மண்ணில் மட்கும் தன்மை இல்லாத பொருட்களை கண்டிப்பாக மறுசுழற்சி செய்ய வேண்டும் . அது மிகச் சிறிய பொருளாக இருந்தாலும் சரி.

Restore - மீண்டும் சேமிக்க வேண்டும் : இயற்கையின் எந்தப் பொருளைப் பயன்படுத்தினாலும் அந்தப்பொருளை மீண்டும் உருவாக்கி சமநிலையைக் காக்க வேண்டும். உதாரணமாக ஒரு மரத்தை வெட்டினால் மீண்டும் ஒரு மரத்தை நட வேண்டும். இயற்கைச் சமநிலை பாதிக்கப்படும் வரை நம்மால் நிம்மதியான வாழ்க்கையை வாழ முடியாது.

முடிந்த அளவுக்கு இந்த விசயங்களை உங்கள் அன்றாட வாழ்க்கைக்குள் கொண்டு வாருங்கள் . நான் ஒருவன் மட்டும் மாறுவதால் என்ன நடந்து விடப்போகிறது ? என்று ஒருபோதும் எண்ண வேண்டாம். நாம் எல்லோரும் ஒன்று படுவோம். பூமியைக் காப்பாற்றுவோம். தீதும் நன்றும் பிறர்தர வாரா.

Read More

படுக்கை அரை காட்சிக்கு10 லட்சம் ?

‘யு டியூப்பில் வெளியிடுவேன்’ என மிரட்டல் மனைவியை நிர்வாணமாக படம் பிடித்து 10 லட்சம் கேட்ட டாக்டர் கைது திருவனந்தபுரத்தில் அதிர்ச்சி சம்பவம்.

திருவனந்தபுரம் ஸ்ரீகாரியம் அருகே உள்ள செருவைக் கல் பகுதியை சேர்ந்தவர் வித்யாதரன். இவரது மகன் ஜெயகிருஷ்ணன் (27). பல் டாக்டரான இவர் தற்போது கோதமங்கலத்தில் உள்ள பல் மருத்துவ கல்லூரியில் எம்.டி.எஸ். படித்து வருகிறார். கடந்த செப்.15ம் தேதி இவருக்கும் அடூர் பகுதியை சேர்ந்த பெண்ணுக்கும் திருமணம் நடந்தது. 

மனைவியுடனான படுக்கையறை காட்சிகளை அவருக்கு தெரியாமல் ஜெயகிருஷ்ணன் வீடியோ எடுத்துள்ளார். மேலும் அவரை நிர்வாணமாக்கி புகைப்படமும் எடுத்துள்ளார். இவை அனைத்தையும் லேப்டாப்பில் பதிவு செய்தார். மனைவியை மது குடிக்கவும், ஆபாச படங்கள் பார்க்கவும் ஜெயகிருஷ்ணன் வற்புறுத்திள்ளார். இதற்கு மனைவி மறுக்கவே அவரை கொடுமைப்படுத்த தொடங்கினார். 

இந்நிலையில், கடந்த சில நாட்களுக்கு மனைவியை எர்ணாகுளத்துக்கு அழைத்து சென்ற ஜெயகிருஷ்ணன் நடுரோட்டில் அவரை இறக்கி விட்டு சென்றதாக கூறப்படுகிறது. இதையடுத்து தனது பெற்றோரை செல்போனில் தொடர்பு கொண்டு நடந்தவற்றை அந்த பெண் கூறினார். அவர்கள் உடனடியாக அங்கு வந்து அவரை அழைத்து சென்றனர். இந்நிலையில், மனைவியின் பெற்றோரை தொடர்பு கொண்ட ஜெயகிருஷ்ணன், எனக்கு ரூ.10 லட்சம் தராவிட்டால் உங்களது மகள் என்னுடன் இருக்கும் படுக்கையறை காட்சிகள், நிர்வாண புகைப்படங்களை யு டியூப்பில் வெளியிடுவேன் என மிரட்டியுள்ளார். 

இதில் அதிர்ச்சியடைந்த அந்த பெண்ணின் பெற்றோர் திருவனந்தபுரம் மருத்துவ கல்லூரி போலீசில் புகார் செய்தனர். இன்ஸ்பெக்டர் நாசரூதீன் தலைமையிலான போலீசார் விசாரணை நடத்தி, ஜெயகிருஷ்ணனை கைது செய்தனர். மேலும் அவரது வீட்டில் இருந்து லேப்டாப் மற்றும் கம்ப்யூட்டரை பறிமுதல் செய்தனர்.

Read More

உணர்வு! செல்பேசி ரிங் அடிப்பது போல?

சிட்னி: 21ம் நூற்றாண்டில் பல ஆயிரம் பேருக்கு தொற்றியுள்ள ஒரு நோய் என்றால் அது பெனோமேனன் நோய்தான்.

அதாவது உங்கள் அருகில் அல்லது உங்கள் பாக்கெட்டில் இருக்கும் செல்பேசி ரிங் அடிப்பது போல உணர்ந்து அதை எடுத்துப் பார்க்கிறீர்கள். ஆனால் அதில் எநத அழைப்பும் வந்திருக்கவில்லை. இதுபோல பலரும் பல சமயங்களில் செய்திருப்போம். ஆனால் இதுவும் ஒரு வகை நோய் என்கிறது மருத்துவ உலகம்.

செல்பேசியை தொடர்பு கொள்ள வரும் எலக்ட்ரிக்கல் சிக்னல்கள், மனித உடலில் உள்ள நரம்புகளை தாக்கும் போது போன் அடிப்பது போன்ற ஒரு உணர்வு ஏற்படுவதாக சிட்னி பல்கலைக்கழகத்தின் சைக்காலஜி பேராசிரியர் தெரிவித்துள்ளார்.

Read More

அமெரிக்காவையே அசத்திய ஆச்சரிய மனிதர்!!

20 ஆம் நூற்றாண்டின் தலைசிறந்த வரலாற்று நாயகர்களில் ஒருவர் தான் இந்த மால்கம் x என்ற சகோதரர். அமெரிக்காவில் தலைவிரித்து ஆடிய இனவெறிக்கு எதிராக போராடி அதில் வெற்றியும் கண்ட ஒரு வரலாற்று நாயகன்.

சிறுவயதில் தந்தையை இழந்து, தாய் மனநிலை பாதிக்கப் பட்டு, கல்வி நின்று போய் தவறான வழிக்கு சென்ற மால்கம் x ஒரு சந்தர்ப்பத்தில் ஒரு குற்றத்திற்காக 10 ஆண்டுசிறை தண்டனை வழங்கப் பட்டு சிறையில் அடைக்கப் படுகிறார். (அங்குதான் அவருக்கு இஸ்லாம் அறிமுகமானது).

சிறையில் இருந்து விடுதலையாகி 1952 ஆம் ஆண்டு இஸ்லாத்தை ஏற்றுக் கொண்டு தன்னை நேசனல் ஆஃப் இஸ்லாம் என்ற இயக்கத்தில் ஐக்கியப் படுத்திக் கொண்டு இனவெறிக்கு எதிராக போராடியவர்.

ஆப்ரிக்க அமெரிக்கர் (கருப்பர்கள்) இனத்தை சேர்ந்தவர்கள் மட்டும் தான் உயர்ந்தவர்கள் மற்றவர்கள் அனைவரும் அவர்களுக்கு கீழே தான் என்றும் முக்கியமா வெள்ளையர்கள் அனைவரும் சாத்தான்கள் என்ற எண்ணம் கொண்டிருந்த சகோதரர் மால்கம் x அவர்களின் வாழ்க்கையில் ஒரு திருப்பு முனை ஏற்படுகிறது.

அது அவர் இஸ்லாமியர்கள் மேற்கொள்ளும் புனிதப் பயணமான ஹஜ் பயணத்தை மேற்க் கொள்கிறார். அங்கு அவர் பார்த்த காட்சி அவரை உறைய வைத்து விட்டது. "வெள்ளையர்கள்,கருப்பர்கள் என மக்கள் எந்த வித நிறம் இனம் பாராமலும் பழகிய காட்சி அவருக்கு பிரமிப்பை ஏற்படுத்தியது.

ஆப்ரிக்க அமெரிக்கர்கள் தான் சிறந்தவர்கள் என்ற அவரின் எண்ணமும்,வெள்ளைக்காரர்கள் மீதான அவரின் தவறான எண்ணமும் மாறி மனிதர்கள் அனைவரும் சமம் என்ற கொள்கைக்கு அவரை வரசெய்தது.

அதற்கு பிறகு யாரையும் இழிவாக கருதாமல் இஸ்லாம் காட்டி தந்த வழிமுறையோடு தொடர்ந்து கறுப்பின மக்களின் உரிமைக்காக குரல் கொடுத்து வந்த சகோதரர் மால்கம் x. மக்களும் சாரை சாரையாக தங்களை இஸ்லாத்தில் ஐக்கியப் படுத்திக் கொண்டு மால்கம் x அவர்களின் பின்னால் அணி திரள ஆரம்பித்தார்கள்.

1965 ஆம் ஆண்டு மக்கள் மத்தியில் இஸ்லாமிய உரை நிகழ்த்திக் கொண்டிருந்த வேளையில் மர்ம நபர்களால் சுட்டுக் கொள்ளப் பட்டார்.

#இதுதான் இஸ்லாத்தின் மகிமை.நபி(ஸல்) அவர்கள் கொண்டுவந்த கொள்கை இன்றளவும் செய்து கொண்டிருக்கும் ஒரு அற்புதம்.எந்த கொள்கையாலும் செய்ய முடியாத அறபுதம்.

நபி(ஸல்) அவர்கள் அறிவித்தார்கள் மக்களே அறிந்து கொள்ளுங்கள் ஒரு கருப்பன் வெள்ளையனை விடவோ, ஒரு வெள்ளையன் கருப்பனைவிடவோ, ஒரு அரபி அரபி அல்லாதவனை விடவோ எந்த சிறப்பும் இல்லை.உங்கள் இறை அச்சம் மட்டுமே உங்களை இறைவனிடத்தில் நீங்கள் யார் சிறந்தவர்கள் என்று நிரூபிக்கும் என்ற நபி(ஸல்) அவர்களின் அறிவுரை இஸ்லாத்தை வாழ்க்கை நெறியாக ஏற்ற ஒவ்வொரு முஸ்லிமும் இன்றளவும் கடைப் பிடிக்கும் கொள்கை.

இறைவன் நாடினால் மரணிக்கும் வரை நான் உட்பட எந்த ஒரு முஸ்லிமும் இந்தக் கொள்கையை விட்டு விலகமாட்டோம்., சகோதரர் மால்கம் x அவர்களை பற்றி மேலும் தகவல் தெரிந்து கொள்ள : http://www.ethirkkural.com/search/label/Malcolm%20X.

(மேலே உள்ள படம்: இதை பார்க்கும் பொழுதே உடல்கள் சிலிர்க்கிறது இந்த இடத்தில தான் பிறை 8 அன்றில் இருந்து பிறை 10 அன்று ஹஜ் கடமை பூர்த்தியாகும் வரை ஏழை பணக்காரன், கருப்பன் வெள்ளையன்,அரேபியன் அரபி அல்லாதான் என எந்த வித வித்தியாசமும் இல்லாமல் இங்கு அமைக்கப் பட்டுள்ள கூடாரங்களில் தங்க வேண்டும்.

அனைவருக்கும் இங்கே ஒரே மாதிரியான இருப்பிடம், உடை என இறைவன் முன் எவனுக்கும் எந்த சிறப்பும் இல்லை என்ற உணர செய்யும் ஓர் அற்புதமான இடம்.மனிதர்களின் அகம்பாவம் அழிந்து போக செய்யும் இடம்).

Read More

குடி குடியை கெடுக்கும் குளிர் பானம் உடல் நலத்தை கெடுக்கும்!

பாரிஸ்: மனித வாழ்க்கையில் முக்கிய அம்சமாக மாறிவிட்ட குளிர்பானங்கள் (சாஃப்ட் ட்ரிங்க்ஸ்) நீரிழிவு நோய்க்கான வாய்ப்பை அதிகரிப்பதாக ஆய்வில் தெரிய வந்துள்ளது.

உடலுக்கு அதிகமான அளவில் சர்க்கரை கிடைப்பது குளிர்பானங்கள் மூலமாகும். இக்காரியத்தில் ஐஸ் க்ரீம், மிட்டாய்களை குளிர்பானங்கள் பின்னுக்குத் தள்ளிவிட்டன. க்ரெடிட் நியூஸ் ரிசர்ச் இன்ஸ்ட்யூட் நடத்திய ஆய்வு இதனை தெரிவிக்கிறது.

ஒரு கப் குளிர்பானத்தில் எட்டு ட்யூஸ்பூன் சர்க்கரை அடங்கியிருப்பதாக புள்ளிவிவரங்கள் தெரிவிக்கின்றன. இது மனித உடலில் சாதாரணமாக இருக்க வேண்டிய சர்க்கரையின் அளவை விட அதிகமாகும். உடல் பருமனுக்கு காரணம் குளிர்பானங்கள்தாம் என்று சுகாதார வல்லுநர்கள் கூறுகின்றனர்.

சர்க்கரை திரவ நிலையில் உடலுக்குள் சென்றால் விரைவாக உடலுக்குள் கரைந்து பெரிய அளவில் கலோரி ஒன்றிணைந்து உடலுக்குள் நுழைவதற்கு காரணமாகிறது. ஆகையால் பெரும்பாலோருக்கு டைப் 2 நீரிழிவு நோய் மற்றும் உடல் பருமன் ஏற்பட காரணமாகிறது.

உலக மக்களின் 20 சதவீதம் பேரும் உடல் பருமனாக உள்ளார்கள். அமெரிக்கா, பிரேசில், ஆஸ்திரேலியா, மெக்சிகோ ஆகிய நாடுகளில் குளிர்பானங்களின் பயன்பாடு அதிகமாகும். சீனர்கள்தாம் குறைந்த அளவில் சர்க்கரையை உபயோகிக்கின்றனர். தினமும் ஏழு ஸ்பூன் சர்க்கரையை மட்டுமே அவர்கள் பயன்படுத்துகின்றனர். குடி குடியை கெடுக்கும் குளிர் பானம் உடல் நலத்தை கெடுக்கும் புதுமொழி, ஆதலால் குளிர் பானத்திற்கு பதிலாக வென்ணீர் குடியுங்கள் உணவுக்கு பின்.

Read More