இந்தியாவிலும் புதிய கிளை

ஆன்-லைன் என்சைக்ளோபீடியா என்று அழைக்கப்படுகிறது விக்கிபீடியா. இணையதளத்தில் தேடும் விவரங்களை உடனுக்குடன் முழு தகவல்களை தரும் வகையில் விக்கிபீடியா நிறுவனம் செயல்பட்டு வருகிறது. அமெரிக்காவைத் தலைமையிடமாகக் கொண்டு இந்த நிறுவனம் செயல்பட்டு வருகிறது.  தற்போது முதல்முறையாக அமெரிக்காவைத் தவிர இந்தியாவிலும் கிளையைத் துவங்க அந்த நிறுவனம் முடிவு செய்துள்ளது. இதுகுறித்து விக்கிபீடியா தலைவர் சூ கார்ட்னர் செய்தி நிறுவனத்துக்கு வியாழக்கிழமை அளித்த பேட்டி:  முதலில் ஹிந்தியிலும், அதன் பின்னர் இந்திய நாட்டின் அனைத்து அதிகாரப்பூர்வ மொழிகளிலும் தகவல்களை அளிக்கவுள்ளோம். மிக வேகமாக வளர்ந்து வரும் நாடுகளில் இந்தியாவும் ஒன்று. எனவே முதலில் இந்தியாவில் கிளையைத் துவங்க முடிவு செய்யப்பட்டுள்ளது.  இந்திய மக்களுக்குத் தேவையான தகவல்களை, அவர்களது மொழியிலேயே வழங்குவது சரியாக இருக்கும். இதன்மூலம் விக்கிபீடியாவும் இந்தியாவில் வேரூன்றும்.  விக்கிபீடியா என்சைக் ளோபீடியாவில் உள்ள விவரங்கள், கட்டுரைகள், தகவல்களை மேலும் அதிகரிப்பதற்காக பொதுமக்களுக்கு அழைப்பு விடுக்கிறோம். ஒரு சம்பவம் அல்லது இடம் தொடர்பான கூடுதல் விவரங்கள் தெரியவந்தால் அதை எங்களுக்கு அவர்கள் அளிக்கலாம். இந்தியாவைத் தொடர்ந்து பிரேசில், மத்திய கிழக்கு நாடுகள், வட ஆப்பிரிக்க நாடுகளில் கிளைகள் துவங்கப்படும் என்றார் அவர்.

Posted in: இந்திய

Reactions: